Foto: Inbusiness.kz
34 myńnan astam otandasymyz bankrottyqqa ótinish bildirgen. Bul týraly Qarjy vitse-ministri Erjan Birjanov málim etti, dep habarlaidy QazAqparat.
«3 naýryzdan bastap azamattardan bankrot dep jariialaý boiynsha ótinish qabyldaý bastaldy. 31 naýryzdaǵy jaǵdai boiynsha 34 myńnan asa ótinish kelip tústi. Ótinishter negizinen eGov.kz elektrondyq Úkimet portaly (94%) jáne e-Salyq Azamat mobildi qosymshasy arqyly (6%) túsip jatyr», – dedi Erjan Birjanov ortalyq kommýnikatsiialar qyzmeti alańynda ótken baspasóz máslihatynda.
Onyń aitýynsha, áQazaqstan azamattarynyń tólem qabiletin qalpyna keltirý jáne bankrottyq týraly» zań talaptaryna sáikes 15 jumys kún ishinde salyq organdary azamattyń myna talaptarǵa sáikestigin tekseredi:
- bank, mikroqarjy uiymdary jáne kollektorlyq agenttikter aldyndaǵy qaryzy 5,5 mln teńgeden aspaýy kerek (1600 AEK);
- qaryzdyń ótelmegenine 12 aidan asýy kerek;
- ortaq menshiktegi múlikti qosa alǵanda, menshik quqyǵynda múlik bolmaýy kerek (avtokólik, páter, úi, jer telimi, banktegi depozit jáne t.b.);
- bankpen, mikroqarjy uiymdarymen borysh boiynsha retteý rásiminiń júrgizilýi.
«Ataýly áleýmettik kómekti 6 ai qatarynan alýshylar úshin jáne bereshegi 5 jyldan artyq ótelmegen azamattar úshin bólek tekseris júrgiziledi. Tekserý memlekettik organdar, bankter men kredittik biýronyń elektrondyq bazalarymen esep aiyrysý arqyly «Qoldau» jeke tulǵalardyń bankrottyǵy aqparattyq júiesinde avtomatty túrde jasalady», - deidi vitse-ministr.
Eske salaiyq, 3 naýryzda elimizde bankrottyqqa ótinim qabyldaý bastaldy.
