فوتو: Inbusiness.kz
34 مىڭنان استام وتانداسىمىز بانكروتتىققا ٶتٸنٸش بٸلدٸرگەن. بۇل تۋرالى قارجى ۆيتسە-مينيسترٸ ەرجان بٸرجانوۆ مەلٸم ەتتٸ, دەپ حابارلايدى قازاقپارات.
«3 ناۋرىزدان باستاپ ازاماتتاردان بانكروت دەپ جارييالاۋ بويىنشا ٶتٸنٸش قابىلداۋ باستالدى. 31 ناۋرىزداعى جاعداي بويىنشا 34 مىڭنان اسا ٶتٸنٸش كەلٸپ تٷستٸ. ٶتٸنٸشتەر نەگٸزٸنەن eGov.kz ەلەكتروندىق ٷكٸمەت پورتالى (94%) جەنە e-Salyq Azamat موبيلدٸ قوسىمشاسى ارقىلى (6%) تٷسٸپ جاتىر», – دەدٸ ەرجان بٸرجانوۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
ونىڭ ايتۋىنشا, ەقازاقستان ازاماتتارىنىڭ تٶلەم قابٸلەتٸن قالپىنا كەلتٸرۋ جەنە بانكروتتىق تۋرالى» زاڭ تالاپتارىنا سەيكەس 15 جۇمىس كٷن ٸشٸندە سالىق ورگاندارى ازاماتتىڭ مىنا تالاپتارعا سەيكەستٸگٸن تەكسەرەدٸ:
- بانك, ميكروقارجى ۇيىمدارى جەنە كوللەكتورلىق اگەنتتٸكتەر الدىنداعى قارىزى 5,5 ملن تەڭگەدەن اسپاۋى كەرەك (1600 اەك);
- قارىزدىڭ ٶتەلمەگەنٸنە 12 ايدان اسۋى كەرەك;
- ورتاق مەنشٸكتەگٸ مٷلٸكتٸ قوسا العاندا, مەنشٸك قۇقىعىندا مٷلٸك بولماۋى كەرەك (اۆتوكٶلٸك, پەتەر, ٷي, جەر تەلٸمٸ, بانكتەگٸ دەپوزيت جەنە ت.ب.);
- بانكپەن, ميكروقارجى ۇيىمدارىمەن بورىش بويىنشا رەتتەۋ رەسٸمٸنٸڭ جٷرگٸزٸلۋٸ.
«اتاۋلى ەلەۋمەتتٸك كٶمەكتٸ 6 اي قاتارىنان الۋشىلار ٷشٸن جەنە بەرەشەگٸ 5 جىلدان ارتىق ٶتەلمەگەن ازاماتتار ٷشٸن بٶلەك تەكسەرٸس جٷرگٸزٸلەدٸ. تەكسەرۋ مەملەكەتتٸك ورگاندار, بانكتەر مەن كرەديتتٸك بيۋرونىڭ ەلەكتروندىق بازالارىمەن ەسەپ ايىرىسۋ ارقىلى «Qoldau» جەكە تۇلعالاردىڭ بانكروتتىعى اقپاراتتىق جٷيەسٸندە اۆتوماتتى تٷردە جاسالادى», - دەيدٸ ۆيتسە-مينيستر.
ەسكە سالايىق, 3 ناۋرىزدا ەلٸمٸزدە بانكروتتىققا ٶتٸنٸم قابىلداۋ باستالدى.
