Almaty qalasy men Almaty oblysynda elektr energiiasyna qatysty qaryz kólemi 34 milliard teńgege jetti. Osyǵan bailanysty 8 maýsymnan bastap tólemdi ýaqytynda jasamaityn tutynýshylarǵa jaryq berýdi shekteý nemese tolyq toqtatý sharalary qoldanylýy múmkin, dep habarlaidy ult.kz.
Bul týraly “Alataý Jaryq Kompaniiasy” AQ-nyń “Energosbyt” filialy málimdedi. Kompaniianyń aitýynsha, qaryzdyń ulǵaiýy óńirdiń energetikalyq júiesiniń turaqtylyǵyna qaýip tóndirip otyr.
Energetikter páter ieleri birlestikteri men basqarýshy kompaniialardy turǵyndardan túsken tólemderdi der kezinde jetkizýshi uiymdarǵa aýdarýǵa shaqyrdy. Zańǵa sáikes, tólem merzimi buzylǵan jaǵdaida elektr energiiasyn berý ishinara nemese tolyq toqtatylýy múmkin.
Eń iri boryshkerler
Almatydaǵy kópqabatty turǵyn úiler arasynda eń úlken qaryzdar tómendegidei tirkelgen:
“Alma Siti” – 306,2 mln tg
“Shuǵyla” – 175,4 mln tg
“Jas Qanat” – 122,9 mln tg
“Alataý Siti” – 105,4 mln tg
“Kristall” – 82 mln tg
“Adel” – 73,6 mln tg
Alem City – 71,6 mln tg
Qargaly City – 54,6 mln tg
“12 mesiatsev” – 48,6 mln tg
“Miras” – 40,6 mln tg
Sonymen qatar Almaty oblysynda da birqatar kompaniialar men turǵyn úi keshenderiniń iri bereshegi bar.
Ne ózgeredi?
Qaryz ótelmese, jaryq ishinara nemese tolyq óshirilýi múmkin
Sheshim tek aldyn ala eskertý jasalǵannan keiin qoldanylady
Másele ýshyǵatyn jaǵdaida sotqa deiin jetýi yqtimal
Kompaniia ókilderi turǵyndarǵa bereshekti múmkindiginshe tezirek óteýge shaqyryp otyr.
