Rahat Sarsenov esimdi jylqyshy jýrnalist Rýslan Ótepbaidy kórip kóz jasyna erik berdi, dep habarlaidy ult.kz.
Bul týraly jýrnalist áleýmettik paraqshasynda aitty. Qariianyń densaýlyǵy syr bergen eken. 2025 jyly insýlt alypty. Osy densaýlyǵymen 2 ai 2 kún izoliatorǵa otyryp shyqqan.
«Eń aýyry- 60 jasymdy túrmede qarsy aldym»,- deidi ol. 33 jylyn jylqy baǵýǵa arnaǵan azamatqa taǵylǵan aiyptyń qanshalyqty negizdi bolǵanyn anyqtaý úshin jýrnalistik zertteýimizdi bastadyq», - dedi jýrnalist.
Qariianyń sózinshe, 14 jylqydan 1700 jylqyǵa deiin mal sanyn ósirgen eken.
Aita keteiik, Aqtóbe oblystyq soty 60 jastaǵy jylqyshy Rahat Sársenovke qatysty shyǵarylǵan úkimdi qaita qarap, ony sot zalynan bosatty.
Buǵan deiin ol qojalyq iesiniń aryzynan keiin 100 jylqyny jymqyrdy degen aiyppen 7 jylǵa bas bostandyǵynan aiyrylyp, moinyna shamamen 30 million teńge shyǵyn ilingen bolatyn. Alaida apelliatsiialyq sotta usynylǵan qosymsha dálelder nátijesinde bir ǵana jylqynyń joǵalǵany anyqtaldy.
Apelliatsiialyq sot otyrysy emotsiiaǵa toly ótti. Ómiriniń 33 jylyn jylqy baǵýǵa arnaǵan Rahat Sársenov úkim ózgergennen keiin sot zalynan bostandyqqa shyqty. Densaýlyǵy syr bergen azamat sot barysynda sóilei almai, kóz jasyna erik berdi. Onyń insýltten keiin bir qoly men bir aiaǵy tolyq jumys istemei qalǵan, sóileýi de qiyndaǵan.
