Respýblika aýmaǵynda aldaǵy úsh kún ishinde aýa temperatýrasy 23-33 gradýsqa deiingi aralyqta tómendeidi dep boljanyp otyr. Bul týraly "Qazgidromettiń" baspasóz qyzmeti habarlady.
"9-11 aqpan aralyǵynda Qazaqstan aýmaǵynyń basym bóligi Skandinaviia aýmaǵynan keletin sýyq antitsiklon yqpalynda bolady. Aýa temperatýrasy 23-30 gradýsqa, al eldiń shyǵysynda 28-33 gradýsqa deiin tómendeidi dep boljanýda", – delingen habarlamada.
Al eldiń batys óńirine Atlantika aýmaǵynan jetetin kezekti tsiklon áser etedi. Aimaqta qar aralas jańbyr jaýyp, saldarynan kóktaiǵaq bolady. Sondai-aq, tóńirekti qalyń tuman qaptaidy dep boljanǵan.
