رەسپۋبليكا اۋماعىندا الداعى ٷش كٷن ٸشٸندە اۋا تەمپەراتۋراسى 23-33 گرادۋسقا دەيٸنگٸ ارالىقتا تٶمەندەيدٸ دەپ بولجانىپ وتىر. بۇل تۋرالى "قازگيدرومەتتٸڭ" باسپاسٶز قىزمەتٸ حابارلادى.
"9-11 اقپان ارالىعىندا قازاقستان اۋماعىنىڭ باسىم بٶلٸگٸ سكانديناۆييا اۋماعىنان كەلەتٸن سۋىق انتيتسيكلون ىقپالىندا بولادى. اۋا تەمپەراتۋراسى 23-30 گرادۋسقا, ال ەلدٸڭ شىعىسىندا 28-33 گرادۋسقا دەيٸن تٶمەندەيدٸ دەپ بولجانۋدا", – دەلٸنگەن حابارلامادا.
ال ەلدٸڭ باتىس ٶڭٸرٸنە اتلانتيكا اۋماعىنان جەتەتٸن كەزەكتٸ تسيكلون ەسەر ەتەدٸ. ايماقتا قار ارالاس جاڭبىر جاۋىپ, سالدارىنان كٶكتايعاق بولادى. سونداي-اق, تٶڭٸرەكتٸ قالىڭ تۇمان قاپتايدى دەپ بولجانعان.
