Biylǵy 4-6 sáýir aralyǵynda memlekettik kirister organdary jeke kásipkerler jáne jeke praktikamen ainalysatyn tulǵalardyń 320 myńnan astam banktik shottaryna qoiylǵan shekteýler alynyp tastaldy, dep habarlaidy "Ult aqparat".
QR Qarjy ministrligi Memlekettik kirister komitetinen málim etkendei, bul, 42500 teńge kólemindegi áleýmettik járdemaqyny alýyna múmkindik berý úshin jasaldy.
«Memleket basshysynyń tapsyrmasyn oryndaý sheńberinde Memlekettik áleýmettik saqtandyrý qorynan tótenshe jaǵdaiǵa bailanysty tabysynan aiyrylǵan adamdarǵa 42500 teńge somasynda ai saiynǵy áleýmettik kómekti aýdarý bastaldy. Osyǵan orai, óńirlik Memlekettik kirister departamentteri táýekel dárejesi joǵary salyq tóleýshilerdi qospaǵanda, jeke kásipker retinde tirkelgen jeke tulǵalarǵa jáne jeke praktikamen ainalysatyn tulǵalarǵa qatysty shyǵarylǵan bank shottary boiynsha shyǵys operatsiialaryn toqtata turý týraly ókimder men inkassalyq ókimderdi keri qaitarýda», - delingen aqparatta.
