31 arnanyń burynǵy direktory Baǵdat Qojahmetov QR Densaýlyq saqtaý ministrliginiń resmi ókili bolyp taǵaiyndaldy, dep habarlaidy QazAqparat.
«Men kesheden beri Densaýlyq saqtaý ministrliginiń resmi ókili bolǵandyǵy týraly aqparatty rastaimyn. Shamamen 10 kún buryn Facebook-tegi paraqshama densaýlyq saqtaý ministri Aleksei Tsoiǵa osy qiyn ýaqytta kómektesýge daiyn ekenimdi jazǵan bolatynmyn. Ókinishke qarai, men adamdardy qalai saýyqtyrýdy bilmeimin, qoldan kelse ony da jasar edim. Biraq men buqaralyq aqparat quraldarymen jáne qoǵammen bailanys salasynda qalai jumys isteý kerektigin bilemin. 1-2 kúnde ministr qońyraý shalyp, osy jumysty usyndy. Men qýana kelistim. Bir jaǵynan bul men úshin - azamattyq paryz, ekinshi jaǵynan bul - kásibi mindet», - dedi Baǵdat Kojahmetov.
Onyń aitýynsha, jumystyń alǵashqy kúni óz nátijesin berdi.
«Jumystyń alǵashqy kúninde biz QR Densaýlyq saqtaý ministrliginiń Aqparattyq ortalyǵyn quratyn bolyp sheshtik. Bizdiń basty mindetimiz - búgingi kúnge deiin jinalǵan barlyq máselelerdi sheshý úshin qoǵammen sapaly bailanys ornatý», - deidi Densaýlyq saqtaý ministrliginiń jańa resmi ókili.
Ol jýrnalisterdi, PR jáne marketing salasyndaǵy áriptesterin jan-jaqty qoldaý kórsetýge shaqyrdy.
«Bul densaýlyq saqtaý júiesiniń problemasy ǵana emes, bul - búkil qoǵamnyń problemasy. Elimizdiń bolashaǵy bizdiń dárigerlerge búgingi indetti jeńýge qalai kómektesetinimizge bailanysty», - deidi ol.
Baǵdat Qojahmetov buǵan deiin «31 arnany» basqarǵan, Almaty qalasy ákimi apparatynyń baspasóz hatshysy bolǵan, sondai-aq QR IIM Aqparat jáne qoǵammen bailanys ortalyǵyn basqarǵan.
