31 ارنانىڭ بۇرىنعى ديرەكتورى باعدات قوجاحمەتوۆ قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ بولىپ تاعايىندالدى, دەپ حابارلايدى قازاقپارات.
«مەن كەشەدەن بەرٸ دەنساۋلىق ساقتاۋ مينيسترلٸگٸنٸڭ رەسمي ٶكٸلٸ بولعاندىعى تۋرالى اقپاراتتى راستايمىن. شامامەن 10 كٷن بۇرىن Facebook-تەگٸ پاراقشاما دەنساۋلىق ساقتاۋ مينيسترٸ الەكسەي تسويعا وسى قيىن ۋاقىتتا كٶمەكتەسۋگە دايىن ەكەنٸمدٸ جازعان بولاتىنمىن. ٶكٸنٸشكە قاراي, مەن ادامداردى قالاي ساۋىقتىرۋدى بٸلمەيمٸن, قولدان كەلسە ونى دا جاسار ەدٸم. بٸراق مەن بۇقارالىق اقپارات قۇرالدارىمەن جەنە قوعاممەن بايلانىس سالاسىندا قالاي جۇمىس ٸستەۋ كەرەكتٸگٸن بٸلەمٸن. 1-2 كٷندە مينيستر قوڭىراۋ شالىپ, وسى جۇمىستى ۇسىندى. مەن قۋانا كەلٸستٸم. بٸر جاعىنان بۇل مەن ٷشٸن - ازاماتتىق پارىز, ەكٸنشٸ جاعىنان بۇل - كەسٸبي مٸندەت», - دەدٸ باعدات كوجاحمەتوۆ.
ونىڭ ايتۋىنشا, جۇمىستىڭ العاشقى كٷنٸ ٶز نەتيجەسٸن بەردٸ.
«جۇمىستىڭ العاشقى كٷنٸندە بٸز قر دەنساۋلىق ساقتاۋ مينيسترلٸگٸنٸڭ اقپاراتتىق ورتالىعىن قۇراتىن بولىپ شەشتٸك. بٸزدٸڭ باستى مٸندەتٸمٸز - بٷگٸنگٸ كٷنگە دەيٸن جينالعان بارلىق مەسەلەلەردٸ شەشۋ ٷشٸن قوعاممەن ساپالى بايلانىس ورناتۋ», - دەيدٸ دەنساۋلىق ساقتاۋ مينيسترلٸگٸنٸڭ جاڭا رەسمي ٶكٸلٸ.
ول جۋرناليستەردٸ, PR جەنە ماركەتينگ سالاسىنداعى ەرٸپتەستەرٸن جان-جاقتى قولداۋ كٶرسەتۋگە شاقىردى.
«بۇل دەنساۋلىق ساقتاۋ جٷيەسٸنٸڭ پروبلەماسى عانا ەمەس, بۇل - بٷكٸل قوعامنىڭ پروبلەماسى. ەلٸمٸزدٸڭ بولاشاعى بٸزدٸڭ دەرٸگەرلەرگە بٷگٸنگٸ ٸندەتتٸ جەڭۋگە قالاي كٶمەكتەسەتٸنٸمٸزگە بايلانىستى», - دەيدٸ ول.
باعدات قوجاحمەتوۆ بۇعان دەيٸن «31 ارنانى» باسقارعان, الماتى قالاسى ەكٸمٸ اپپاراتىنىڭ باسپاسٶز حاتشىسى بولعان, سونداي-اق قر ٸٸم اقپارات جەنە قوعاممەن بايلانىس ورتالىعىن باسقارعان.
