30 jylda elimiz tutas ǵasyrǵa tatityn uly joldan ótti. Bul týraly Táýelsizdiktiń 30 jyldyǵyna arnalǵan saltanatty is-shara barysynda QR Tuńǵysh Prezidenti – Elbasy Nursultan Nazarbaev aitty, dep habarlaidy QazAqparat.
«30 jylda elimiz tutas ǵasyrǵa tatityn uly joldan ótti. Osy tarihi kezeńder biz baǵyndyrǵan belester Táýelsizdik dáýiriniń belgileri bolady. Barlyǵy túiindelip kelgende eń basty jetistigimiz – biz Qazaqstandy álem moiyndaǵan memleket retinde qalyptastyryp, eńseli elge ainaldyrdyq. Búginde jahan jurtshylyǵy qazaq jerin beibit meken, qazaq elin mártebeli memleket, senimdi seriktes retinde tanidy. Mundai bedelge tek rýhy myqty, judyryqtai jumylǵan, birligi bekem halyq qana ie bolady. Bir úidiń balasyndai, bir qoldyń salasyndai yntymaǵy jarasqan jurtymyzdyń úlken-kishisine sol úshin basymdy iip, alǵysymdy aitamyn», - dedi Elbasy.
QR Tuńǵysh Prezidenti azattyq alýdyń aýyr júgin birge kóterisken seriktesterine de arnaiy rahmet aitty.
