30 جىلدا ەلٸمٸز تۇتاس عاسىرعا تاتيتىن ۇلى جولدان ٶتتٸ. بۇل تۋرالى تەۋەلسٸزدٸكتٸڭ 30 جىلدىعىنا ارنالعان سالتاناتتى ٸس-شارا بارىسىندا قر تۇڭعىش پرەزيدەنتٸ – ەلباسى نۇرسۇلتان نازارباەۆ ايتتى, دەپ حابارلايدى قازاقپارات.
«30 جىلدا ەلٸمٸز تۇتاس عاسىرعا تاتيتىن ۇلى جولدان ٶتتٸ. وسى تاريحي كەزەڭدەر بٸز باعىندىرعان بەلەستەر تەۋەلسٸزدٸك دەۋٸرٸنٸڭ بەلگٸلەرٸ بولادى. بارلىعى تٷيٸندەلٸپ كەلگەندە ەڭ باستى جەتٸستٸگٸمٸز – بٸز قازاقستاندى ەلەم مويىنداعان مەملەكەت رەتٸندە قالىپتاستىرىپ, ەڭسەلٸ ەلگە اينالدىردىق. بٷگٸندە جاھان جۇرتشىلىعى قازاق جەرٸن بەيبٸت مەكەن, قازاق ەلٸن مەرتەبەلٸ مەملەكەت, سەنٸمدٸ سەرٸكتەس رەتٸندە تانيدى. مۇنداي بەدەلگە تەك رۋحى مىقتى, جۇدىرىقتاي جۇمىلعان, بٸرلٸگٸ بەكەم حالىق قانا يە بولادى. بٸر ٷيدٸڭ بالاسىنداي, بٸر قولدىڭ سالاسىنداي ىنتىماعى جاراسقان جۇرتىمىزدىڭ ٷلكەن-كٸشٸسٸنە سول ٷشٸن باسىمدى يٸپ, العىسىمدى ايتامىن», - دەدٸ ەلباسى.
قر تۇڭعىش پرەزيدەنتٸ ازاتتىق الۋدىڭ اۋىر جٷگٸن بٸرگە كٶتەرٸسكەن سەرٸكتەستەرٸنە دە ارنايى راحمەت ايتتى.
