Foto: t.me/mazhilis_kz
Májilis depýtaty Abzal Quspan Bas prokýror Berik Asylovqa saýal joldady, dep habarlaidy Azattyq Ruhy.
«Qazir Parlament qabyrǵasynda depýtattar bastamasymen kezinde zańsyz alynǵan aktivterdi memleketke qaitarýǵa baǵyttalǵan, halqymyz úshin asa mańyzdy zań jobasy qaralýda. Osy zań arqyly biz otyz jyl boiy memleket qazynasyn tonaǵan, elimizdiń, halqymyzdyń bolashaǵyn urlaǵan jemqorlardy jaýapkershilikke tartyp, olardyń jasyrǵan, shetel asyrǵan dúnielerin memleketke qaitarýdy maqsat tutyp otyrmyz», - dedi ol.
Ol depýtattyq saýal da osymen úndes, Qazaqstan azamattaryna qatysty aýqymdy áleýmettik mańyzy bar másele ekenin aitty.
«Qazaqstan boiynsha biýdjetke eń kóp qarjy aýdaratyn óńirlerden Atyraý oblysy donor esebinde birinshi orynda tur, Qazaqstanda qyzmet etip jatqan sheteldik úlesi bar kompaniialar ishinen eń kóp salyq tóleýshi retinde TShO, iaǵni «TeńizShevrOil» kompaniiasy tanylǵany belgili. Jaqynda ǵana kompaniia óziniń Qazaqstan naryǵyndaǵy qyzmetiniń otyz jyldyǵyn atap ótti, osy ýaqyt ishinde ol Qazaqstan qazynasyna 176 mlrd dollar qarjy quiǵan», - dedi ol.
Ol ataǵandai, shetel asqan Qazaqstan qazynasyn izdestiremiz desek, negizgi nazarymyzdy osy óńirge jáne álemdegi eń iri 5 munai ken ornynyń biri – Teńiz ailaǵyna aýdarýymyz kerek.
«Ókinishke qarai, otyz jyl boiy osyndai iri, alpaýyt kompaniialar ainalasynda repýtatsiiasy kúmán týdyratyn ártúrli deńgeidegi qazaqstandyq jáne sheteldik firmalar qaptap ketken. Keibir derekter boiynsha ondai firmalardyń sany myńdap sanalady. Olardyń mindetine qyzmet kórsetý, jumys jasaý emes, TShO siiaqty alpaýyt kompaniialardan iri tapsyrystar alyp, onyń az bóligin qazaqstandyq kompaniialarǵa bólip, qalǵan iri bóligin shetelge zańsyz shyǵarý kiredi», - dedi ol.
