Ǵalymdar sý ishýdi ádetke ainaldyrý adamnyń aqyl-oi qabiletin arttyryp, júrektiń jumysy men zat almasý protsesin jaqsartatynyn anyqtady.
Eger biz bar-joǵy 30 kún boiy sýdan basqa barlyq sýsynnan bas tartsaq, ómirimizde qandai ózgeris baiqaýshy edik? Aldymen aqsha únemdeitinimiz oiǵa oralady. Iá, solai ekeni sózsiz. Alaida bul ádistiń aǵzaǵa qandai paidasy bar ekenin ekiniń biri bile bermeidi. Endeshe tarqatyp jazyp kórelik.
1. Sizdiń shyǵarmashylyq jáne aqyl-oi qabiletińiz artady
Neuroscience (Neirobiologiia) jýrnalynyń málimetinshe, 30 kún boiy miyńyz edáýir jyldam reaktsiia jasaýymen tańǵaldyrady. Mi tiimdi jumys isteýi úshin tonnalaǵan ottegi qajet, sý da onyń jumysyn jaqsartady. Kúnine 8-10 staqan sý ishseńiz, sizdiń kognitivtik qabiletińiz tutastai alǵanda 30%-ǵa jaqsarady.
2. Qurdastaryńyzdan jas kórinesiz
Aýyz sý sizdiń terińizdegi sýdyń tepe-teńdigin saqtai otyryp, qartaiý protsesin tejeýge kómektesedi. Ol terini ylǵaldandyryp, ony saý, jumsaq, jyltyr jáne ájimsiz kúiinde saqtaidy. Sý bulshyq et tinderiniń de kúsh-qýatyn arttyrady. Ol úshin taza sý ishýińiz kerek.
3. Immýnitetińiz kúsheiedi
Sý baýyryńyz ben búiregińizdiń durys jumys isteýine kómektesedi. Bul organdar qandaǵy ýly zattar men qaldyqtardy, tuzdardy shyǵarýǵa jaýapty.
Osy salany zerttegen ǵalymdardyń aitýynsha, adam aǵzasyndaǵy pH teńgerimi qalypqa túsip, búirekte tas paida bolý deńgeii tómendeidi, nátijesinde bas jáne ózge de aýrýlarǵa shaldyǵa bermeisiz.
4. Júregińizdiń jumysy jaqsarady
Sý júregińizdiń saý bolýyna kómektesedi. Júrek talmasynyń qaýpin tómendetedi, óitkeni qan suiylyp, qysymdy tómendetedi.
Uiqyǵa jatardan bir saǵat buryn bir staqan sý ishý júrek talmasy men insýlttiń aldyn alady. Bar-joǵy bir staqan sý sizdiń júregińiz ben basqa da organdaryńyzǵa ottegi jetýin edáýir jeńildetedi.
Amerikalyq Epidemiologiia jýrnaly alty jyldyq zertteýdiń nátijesin jariialady. Kúnine 5 staqan sý ishken adamdar 2 staqan sý ishkendermen salystyrǵanda júrek talmasynan 41%-ǵa az kóz jumatyny anyqtaldy.
5. Sizdiń súiegińiz bekemdele túsedi
Sý shemirshekti qalpyna keltirýge kómektesedi, osy sebepten sizdiń býyndaryńyz birqalypty qozǵalysta bolady, nátijesinde salmaqtan býyndardyń jaraqat alýy azaiady.
6. Terińizdiń astyndaǵy artyq mailaryńyzben qosh aitysasyz
30 kún sý ishken kezińizde sizdiń mańyzdy organdaryńyzdan ziiandy qaldyqtar men shlaktar shyǵyp ketedi. Terińiz tazaryp, ishtegi artyq mai ketedi.
Tamaqtaný jáne dietologiia akademiiasynyń ókili Andrea N. Djankola tamaqtan aldyn bir nemese eki staqan sý ishýge keńes beredi, ol astyń qorytylýyna kómektesip, tamaqty normadan artyq jep qoiýǵa jol bermeidi. Ony ádetke ainaldyrsańyz bolǵany.
7. Aǵzańyzdaǵy zat almasý protsesi jaqsarady
Zertteý jumystary aýyz sýdy turaqty tutyný zat almasýdy jaqsartatynyn kórsetip otyr. Tańerteń oianǵannan keiin bar-joǵy jarty litr sý ishý metabolizmdi (zat almasýdy) 24%-ǵa kóteredi.
Al metabolizm ne úshin mańyzdy? Ol aǵzamyzdaǵy himiialyq reaktsiialardy júrgizýge, iaǵni adamnyń deni saý bolýyna tikelei jaýapty.
