عالىمدار سۋ ٸشۋدٸ ەدەتكە اينالدىرۋ ادامنىڭ اقىل-وي قابٸلەتٸن ارتتىرىپ, جٷرەكتٸڭ جۇمىسى مەن زات الماسۋ پروتسەسٸن جاقسارتاتىنىن انىقتادى.
ەگەر بٸز بار-جوعى 30 كٷن بويى سۋدان باسقا بارلىق سۋسىننان باس تارتساق, ٶمٸرٸمٸزدە قانداي ٶزگەرٸس بايقاۋشى ەدٸك? الدىمەن اقشا ٷنەمدەيتٸنٸمٸز ويعا ورالادى. يە, سولاي ەكەنٸ سٶزسٸز. الايدا بۇل ەدٸستٸڭ اعزاعا قانداي پايداسى بار ەكەنٸن ەكٸنٸڭ بٸرٸ بٸلە بەرمەيدٸ. ەندەشە تارقاتىپ جازىپ كٶرەلٸك.
1. سٸزدٸڭ شىعارماشىلىق جەنە اقىل-وي قابٸلەتٸڭٸز ارتادى
Neuroscience (نەيروبيولوگييا) جۋرنالىنىڭ مەلٸمەتٸنشە, 30 كٷن بويى ميىڭىز ەدەۋٸر جىلدام رەاكتسييا جاساۋىمەن تاڭعالدىرادى. مي تيٸمدٸ جۇمىس ٸستەۋٸ ٷشٸن توننالاعان وتتەگٸ قاجەت, سۋ دا ونىڭ جۇمىسىن جاقسارتادى. كٷنٸنە 8-10 ستاقان سۋ ٸشسەڭٸز, سٸزدٸڭ كوگنيتيۆتٸك قابٸلەتٸڭٸز تۇتاستاي العاندا 30%-عا جاقسارادى.
2. قۇرداستارىڭىزدان جاس كٶرٸنەسٸز
اۋىز سۋ سٸزدٸڭ تەرٸڭٸزدەگٸ سۋدىڭ تەپە-تەڭدٸگٸن ساقتاي وتىرىپ, قارتايۋ پروتسەسٸن تەجەۋگە كٶمەكتەسەدٸ. ول تەرٸنٸ ىلعالداندىرىپ, ونى ساۋ, جۇمساق, جىلتىر جەنە ەجٸمسٸز كٷيٸندە ساقتايدى. سۋ بۇلشىق ەت تٸندەرٸنٸڭ دە كٷش-قۋاتىن ارتتىرادى. ول ٷشٸن تازا سۋ ٸشۋٸڭٸز كەرەك.
3. يممۋنيتەتٸڭٸز كٷشەيەدٸ
سۋ باۋىرىڭىز بەن بٷيرەگٸڭٸزدٸڭ دۇرىس جۇمىس ٸستەۋٸنە كٶمەكتەسەدٸ. بۇل ورگاندار قانداعى ۋلى زاتتار مەن قالدىقتاردى, تۇزداردى شىعارۋعا جاۋاپتى.
وسى سالانى زەرتتەگەن عالىمداردىڭ ايتۋىنشا, ادام اعزاسىنداعى pH تەڭگەرٸمٸ قالىپقا تٷسٸپ, بٷيرەكتە تاس پايدا بولۋ دەڭگەيٸ تٶمەندەيدٸ, نەتيجەسٸندە باس جەنە ٶزگە دە اۋرۋلارعا شالدىعا بەرمەيسٸز.
4. جٷرەگٸڭٸزدٸڭ جۇمىسى جاقسارادى
سۋ جٷرەگٸڭٸزدٸڭ ساۋ بولۋىنا كٶمەكتەسەدٸ. جٷرەك تالماسىنىڭ قاۋپٸن تٶمەندەتەدٸ, ٶيتكەنٸ قان سۇيىلىپ, قىسىمدى تٶمەندەتەدٸ.
ۇيقىعا جاتاردان بٸر ساعات بۇرىن بٸر ستاقان سۋ ٸشۋ جٷرەك تالماسى مەن ينسۋلتتٸڭ الدىن الادى. بار-جوعى بٸر ستاقان سۋ سٸزدٸڭ جٷرەگٸڭٸز بەن باسقا دا ورگاندارىڭىزعا وتتەگٸ جەتۋٸن ەدەۋٸر جەڭٸلدەتەدٸ.
امەريكالىق ەپيدەميولوگييا جۋرنالى التى جىلدىق زەرتتەۋدٸڭ نەتيجەسٸن جارييالادى. كٷنٸنە 5 ستاقان سۋ ٸشكەن ادامدار 2 ستاقان سۋ ٸشكەندەرمەن سالىستىرعاندا جٷرەك تالماسىنان 41%-عا از كٶز جۇماتىنى انىقتالدى.
5. سٸزدٸڭ سٷيەگٸڭٸز بەكەمدەلە تٷسەدٸ
سۋ شەمٸرشەكتٸ قالپىنا كەلتٸرۋگە كٶمەكتەسەدٸ, وسى سەبەپتەن سٸزدٸڭ بۋىندارىڭىز بٸرقالىپتى قوزعالىستا بولادى, نەتيجەسٸندە سالماقتان بۋىنداردىڭ جاراقات الۋى ازايادى.
6. تەرٸڭٸزدٸڭ استىنداعى ارتىق مايلارىڭىزبەن قوش ايتىساسىز
30 كٷن سۋ ٸشكەن كەزٸڭٸزدە سٸزدٸڭ ماڭىزدى ورگاندارىڭىزدان زيياندى قالدىقتار مەن شلاكتار شىعىپ كەتەدٸ. تەرٸڭٸز تازارىپ, ٸشتەگٸ ارتىق ماي كەتەدٸ.
تاماقتانۋ جەنە ديەتولوگييا اكادەميياسىنىڭ ٶكٸلٸ اندرەا ن. دجانكولا تاماقتان الدىن بٸر نەمەسە ەكٸ ستاقان سۋ ٸشۋگە كەڭەس بەرەدٸ, ول استىڭ قورىتىلۋىنا كٶمەكتەسٸپ, تاماقتى نورمادان ارتىق جەپ قويۋعا جول بەرمەيدٸ. ونى ەدەتكە اينالدىرساڭىز بولعانى.
7. اعزاڭىزداعى زات الماسۋ پروتسەسٸ جاقسارادى
زەرتتەۋ جۇمىستارى اۋىز سۋدى تۇراقتى تۇتىنۋ زات الماسۋدى جاقسارتاتىنىن كٶرسەتٸپ وتىر. تاڭەرتەڭ ويانعاننان كەيٸن بار-جوعى جارتى ليتر سۋ ٸشۋ مەتابوليزمدٸ (زات الماسۋدى) 24%-عا كٶتەرەدٸ.
ال مەتابوليزم نە ٷشٸن ماڭىزدى? ول اعزامىزداعى حيمييالىق رەاكتسييالاردى جٷرگٸزۋگە, ياعني ادامنىڭ دەنٸ ساۋ بولۋىنا تٸكەلەي جاۋاپتى.
