Búgin senat otyrysynda depýtat Dinar NÓKETAEVA Qazaqstan Respýblikasynyń Premer-Ministri B.Á. Saǵyntaevtyń atyna depýtattyq saýal joldady.
Qazaqstan Respýblikasynyń
Premer-Ministri
B.Á. Saǵyntaevqa
Qurmetti Baqytjan Ábdiruly!
Bizdiń depýtattyq saýalymyzǵa qazaqstandyq ǵalymdarmen kezdesýler jáne olardyń ótinishterin taldaý nátijeleri negiz bolyp otyr.
Qazaqstan Respýblikasy Úkimetiniń 2012 jylǵy 19 qańtardaǵy № 109 qaýlysymen bekitilgen Joǵary oqý ornynan keiingi bilimniń bilim berý baǵdarlamalaryn iske asyratyn bilim berý uiymdaryna oqýǵa qabyldaýdyń úlgilik qaǵidalaryna júrgizilgen taldaý nátijesinde doktorantýraǵa keminde 3 jyl eńbek ótili bar úmitkerlerqabyldanatyny týraly talap joǵary oqý ornynan keiingi bilimniń halyqaralyq talaptaryna sáikes kelmeitinine nazar aýdaryldy.
PhD doktorantýraǵa túsýge úmitkerlerdiń eńbek ótiliniń mindetti bolý talaby yqtimal úmitkerlerdiń eńbek jolyn ýniversitetten basqa jerde bastaýǵa májbúr etedi. Nátijesinde olardyń kóbisi doktorantýra bazasynda oqýdy jalǵastyrýǵa qyzyǵýshylyǵyn joǵaltady. Olardyń keibir bóligi atalǵandai shekteýleri joq shet elderdiń joǵary oqý oryndaryna doktorantýraǵa túsýge májbúr bolady. Nátijesinde, elimizdiń daryndy jastarynan aiyrylyp qalý qaýpi týyndaidy.
Úmitkerlerdiń teoriialyq bilim deńgeileri úsh jyldyq úzilisten keiin magistratýradaǵy oqýyn bitirgen kezben salystyrǵanda áldeqaida tómen bolady. Ony Memlekettik attestatsiialyq komissiialardyń basshylary doktoranttardy qorytyndy memlekettik attestatsiialaý nátijeleri jáne olardyń dissertatsiialaryn qorǵaǵandary boiynsha rastaidy.
IýNESKO qabyldaǵan qoldanystaǵy Bilim berýdiń halyqaralyq standarttyq jiktelimine sáikes, doktarantýra bilim alýdyń jalpy úzdiksiz protsessiniń tikelei bóligi bolyp tabylady. Bul standardta doktarantýraǵa túsýdiń negizgi talaby – aldyńǵy bilim berý deńgeiin (magistratýrany) igerý bolyp aiqyndalǵan, sondai-aqbilim berý protsesin úzýge, ajyratýǵa ákeletin eshqandai jasandy shekteýler qarastyrylmaǵan.
Joǵaryda aitylǵandy eskere kele, Joǵary oqý ornynan keiingi bilimniń bilim berý baǵdarlamalaryn iske asyratyn bilim berý uiymdaryna oqýǵa qabyldaýdyń úlgilik qaǵidalarynyń «Doktorantýraǵa keminde 3 jyl eńbek ótili jáne «magistr» dárejesi bar nemese meditsina mamandyqtary boiynsha rezidentýrada oqýyn bitirgen adamdar qabyldanady» degen 11-tarmaǵynda keminde 3 jyl eńbek ótili týraly talapty alyp tastaýdy usynamyz.
Qurmetti Baqytjan Ábdiruly, Sizden bizdiń usynysymyzdy qarastyrýdy jáne qoldaǵan jaǵdaida tiisti memlekettik organdarǵa sáikesinshe tapsyrma berýińizdi suraimyz.
Qurmetpen,
D. Nóketaeva
B. Jumaǵulov
