Foto: leo46.ru
Astanadaǵy Dent-Park klinikasynda dárigerler 3 jasar qyzdyń tisin uzaq ýaqytqa uiyqtatyp tastap emdegen. Bala anesteziiadan keiin oianbai, kóz jumǵan. Qazir qylmystyq iske bailanysty sot protsesi jalǵasyp jatyr, dep habarlaidy Ult.kz Azattyq Ryhy-na silteme jasap.
Qaraly otbasynyń advokaty Rýslan Aitjanovtyń aitýynsha, em kezinde meditsinalyq standarttar saqtalmaǵan. Eger mamandar birden búkil tisti emdeýge tyryspaǵanda, bala aman qalýy múmkin edi. Marqumnyń ákesi Talǵat Qumarov 2024 jyly 30 qazanda qyzynyń tisin Sevoran preparaty arqyly anesteziiamen emdetken.
«Aldyńǵy protsedýra da 3,5 saǵattan uzaqqa sozylǵan edi, qyzym anesteziiadan keiin esin jimady. Sol kezde de kúmán bolǵan. Keiin Farmatsevtikalyq baqylaý eleýli buzýshylyqtardy anyqtady»,- deidi Qumarov.
Ákesiniń aitýynsha, dárigerler balanyń 20 tisiniń 18-in birden emdeýge sheshim qabyldaǵan. Emsharanyń qaýipsiz ekenine sendirgen.
«Sedatsiia tańǵy 09:10 shamasynda bastaldy. 14:00-de áielim habarlasyp, bala oianbai jatqanyn aitty. Jedel járdem keldi, reanimatsiia 40 -45 minýtqa sozyldy. Biraq qyzym oianbai qaldy, júregi toqtap, miy isip ketti», - deidi ákesi.
Qyzdyń ákesi farmatsevtikalyq baqylaý derekterine súiene otyryp, klinika alǵashqy kómek kórsetý kezinde zańsyzdyqtar jasaǵanyn aitty. Klinika direktory Nadejda Hon anesteziolog sol kúni qyzmetten ketkenin rastady. Alaida protsedýraǵa qatysqan stomatolog áli de jumys istep júr.
«Biz anesteziia mamanyń jumystan shyǵardyq. Endi saraptama qorytyndysyn kútemiz», -dedi Hon.
Sot zalynda bolǵan anesteziolog Jumaǵalieva jýrnalisterdiń suraqtaryna jaýap berýden bas tartty.
Jábirlenýshi taraptyń ókili Rýslan Aitjanov sapany baqylaý departamenti men keshendi sot saraptamasy shyqqanyn atap ótti. Eki qujat ta anesteziolog pen stomatologtyń kinásin kórsetken.
«Alaida tek anesteziolog ǵana tergeldi. 18 tisti emdegisi kelgen stomatolog jaýapqa tartylmady. Tergeý men prokýratýranyń olqylyǵyn kóip otyrmyz», - dedi advokat.
Sonymen qazirge deiin ne anyqtaldy:
Anesteziolog sońǵy ret 2019 jyly kvalifikatsiiadan ótken jáne balalar anesteziologtaryna arnalǵan 7 jyldyq tájiribesi bolmaǵan;
Klinikada tikelei osy oqiǵamen bailanysty emes merzimi ótken jáne sertifikaty joq dáriler saqtalǵan;
Dárigerler balalardaǵy uzaq sedatsiia standarttaryn buzǵan.
Advokat pen qyzdyń ata-anasy jeke klinikalar uzaq anesteziia qoldanýdy qaita qarap, kishkentai balalardyń tisterin bir ýaqytta emdeýden bas tartýy kerek deidi. Otbasy qylmysqa qatysty barlyq dárigerlerdiń jazalanýyn suraidy.
Anesteziologtyń advokaty sotqa kele almaǵandyqtan, is keiinge qaldyryldy.
