فوتو: leo46.ru
استاناداعى Dent-Park كلينيكاسىندا دەرٸگەرلەر 3 جاسار قىزدىڭ تٸسٸن ۇزاق ۋاقىتقا ۇيىقتاتىپ تاستاپ ەمدەگەن. بالا انەستەزييادان كەيٸن ويانباي, كٶز جۇمعان. قازٸر قىلمىستىق ٸسكە بايلانىستى سوت پروتسەسٸ جالعاسىپ جاتىر, دەپ حابارلايدى Ult.kz Azattyq Ryhy-نا سٸلتەمە جاساپ.
قارالى وتباسىنىڭ ادۆوكاتى رۋسلان ايتجانوۆتىڭ ايتۋىنشا, ەم كەزٸندە مەديتسينالىق ستاندارتتار ساقتالماعان. ەگەر ماماندار بٸردەن بٷكٸل تٸستٸ ەمدەۋگە تىرىسپاعاندا, بالا امان قالۋى مٷمكٸن ەدٸ. مارقۇمنىڭ ەكەسٸ تالعات قۇماروۆ 2024 جىلى 30 قازاندا قىزىنىڭ تٸسٸن سەۆوران پرەپاراتى ارقىلى انەستەزييامەن ەمدەتكەن.
«الدىڭعى پروتسەدۋرا دا 3,5 ساعاتتان ۇزاققا سوزىلعان ەدٸ, قىزىم انەستەزييادان كەيٸن ەسٸن جيمادى. سول كەزدە دە كٷمەن بولعان. كەيٸن فارماتسەۆتيكالىق باقىلاۋ ەلەۋلٸ بۇزۋشىلىقتاردى انىقتادى»,- دەيدٸ قۇماروۆ.
ەكەسٸنٸڭ ايتۋىنشا, دەرٸگەرلەر بالانىڭ 20 تٸسٸنٸڭ 18-ٸن بٸردەن ەمدەۋگە شەشٸم قابىلداعان. ەمشارانىڭ قاۋٸپسٸز ەكەنٸنە سەندٸرگەن.
«سەداتسييا تاڭعى 09:10 شاماسىندا باستالدى. 14:00-دە ەيەلٸم حابارلاسىپ, بالا ويانباي جاتقانىن ايتتى. جەدەل جەردەم كەلدٸ, رەانيماتسييا 40 -45 مينۋتقا سوزىلدى. بٸراق قىزىم ويانباي قالدى, جٷرەگٸ توقتاپ, ميى ٸسٸپ كەتتٸ», - دەيدٸ ەكەسٸ.
قىزدىڭ ەكەسٸ فارماتسەۆتيكالىق باقىلاۋ دەرەكتەرٸنە سٷيەنە وتىرىپ, كلينيكا العاشقى كٶمەك كٶرسەتۋ كەزٸندە زاڭسىزدىقتار جاساعانىن ايتتى. كلينيكا ديرەكتورى نادەجدا حون انەستەزيولوگ سول كٷنٸ قىزمەتتەن كەتكەنٸن راستادى. الايدا پروتسەدۋراعا قاتىسقان ستوماتولوگ ەلٸ دە جۇمىس ٸستەپ جٷر.
«بٸز انەستەزييا مامانىڭ جۇمىستان شىعاردىق. ەندٸ ساراپتاما قورىتىندىسىن كٷتەمٸز», -دەدٸ حون.
سوت زالىندا بولعان انەستەزيولوگ جۇماعاليەۆا جۋرناليستەردٸڭ سۇراقتارىنا جاۋاپ بەرۋدەن باس تارتتى.
جەبٸرلەنۋشٸ تاراپتىڭ ٶكٸلٸ رۋسلان ايتجانوۆ ساپانى باقىلاۋ دەپارتامەنتٸ مەن كەشەندٸ سوت ساراپتاماسى شىققانىن اتاپ ٶتتٸ. ەكٸ قۇجات تا انەستەزيولوگ پەن ستوماتولوگتىڭ كٸنەسٸن كٶرسەتكەن.
«الايدا تەك انەستەزيولوگ عانا تەرگەلدٸ. 18 تٸستٸ ەمدەگٸسٸ كەلگەن ستوماتولوگ جاۋاپقا تارتىلمادى. تەرگەۋ مەن پروكۋراتۋرانىڭ ولقىلىعىن كٶٸپ وتىرمىز», - دەدٸ ادۆوكات.
سونىمەن قازٸرگە دەيٸن نە انىقتالدى:
انەستەزيولوگ سوڭعى رەت 2019 جىلى كۆاليفيكاتسييادان ٶتكەن جەنە بالالار انەستەزيولوگتارىنا ارنالعان 7 جىلدىق تەجٸريبەسٸ بولماعان;
كلينيكادا تٸكەلەي وسى وقيعامەن بايلانىستى ەمەس مەرزٸمٸ ٶتكەن جەنە سەرتيفيكاتى جوق دەرٸلەر ساقتالعان;
دەرٸگەرلەر بالالارداعى ۇزاق سەداتسييا ستاندارتتارىن بۇزعان.
ادۆوكات پەن قىزدىڭ اتا-اناسى جەكە كلينيكالار ۇزاق انەستەزييا قولدانۋدى قايتا قاراپ, كٸشكەنتاي بالالاردىڭ تٸستەرٸن بٸر ۋاقىتتا ەمدەۋدەن باس تارتۋى كەرەك دەيدٸ. وتباسى قىلمىسقا قاتىستى بارلىق دەرٸگەرلەردٸڭ جازالانۋىن سۇرايدى.
انەستەزيولوگتىڭ ادۆوكاتى سوتقا كەلە الماعاندىقتان, ٸس كەيٸنگە قالدىرىلدى.
