Densaýlyq saqtaý ministri Aleksei Tsoi Qazaqstanda 3 tamyzda qandai nysandardyń jumys bastaýyna ruqsat beriletinin atady, dep habarlaidy "Ult aqparat".
«Jalpy COVID-19 aýrýyn juqtyrý men odan keletin ólim-jitim jaǵdaiynyń ary qarai turaqtalýy – ekonomikanyń barlyq sektoryn tartyp, úilese jumys júrgizýge bailanysty bolmaq. Atap aitqanda turaqtandyrý baǵytyndaǵy qabyldanǵan sharalardyń nátijesiniń 30 paiyzy ǵana – meditsinalyq kómek pen epidemiologiialyq sharalarǵa bailanysty. Al qalǵan 70 paiyzy jappai maska kiiý rejimi men gigienaǵa (30 paiyzy), sonymen qatar áleýmettik qashyqtyqty saqtaýǵa (40 paiyzy) bailanysty», - dedi Aleksei Tsoi Úkimet otyrysynda.
Osylaisha ministr karantin aiaqtalǵannan keiin, iaǵni 3 tamyzdan bastap qandai nysandardyń jumys bastaýyna ruqsat beriletinin aityp ótti. Ol úshin tómendegi nysandarda sanitarlyq-dezinfektsiialyq rejim saqtalyp, maska kiiý men áleýmettik qashyqtyqty saqtaý talaptary oryndalýy kerek. Bul nysandar jumysyn bastaý úshin apta ishinde infektsiianyń taralý deńgeii turaqtalyp, tósek oryndar 70 paiyzǵa bosaýy tiis.
«Atap aitqanda osyndai sharttar oryndalǵan jaǵdaida oiyn-saýyq ortalyqtary, saýda úileri, ýaqyty men kúni shekteýli tártipte saýda jelileri, jabyq azyq-túlik nysandary men azyq-túlik satpaityn bazarlar ashylady. Sondai-aq, balalardyń korrektsiia kabineti, bilim berý ortalyqtary, balalardy damytý ortalyqtary, toptyq úiirmeler (bes baladan aspaýy kerek) jumys bastaidy. Balalardyń mektepke deiingi mekemelerine de kezekshi top rejiminde jumys isteýge ruqsat. Sán-salondary, shashtarazdar, kosmetikalyq qyzmet kórsetetin ortalyqtar men salondar, manikiýrlar men pedikiýrlar (aldyn ala jazylý boiynsha) da ashylady», - dedi ol.
Aleksei Tsoidyń aitýynsha memlekettik qyzmetshiler men keńse qyzmetkerleriniń 80 paiyzy qashyqtan jumys isteý tártibi saqtalýy tiis.
