دەنساۋلىق ساقتاۋ مينيسترٸ الەكسەي تسوي قازاقستاندا 3 تامىزدا قانداي نىسانداردىڭ جۇمىس باستاۋىنا رۇقسات بەرٸلەتٸنٸن اتادى, دەپ حابارلايدى "ۇلت اقپارات".
«جالپى COVID-19 اۋرۋىن جۇقتىرۋ مەن ودان كەلەتٸن ٶلٸم-جٸتٸم جاعدايىنىڭ ارى قاراي تۇراقتالۋى – ەكونوميكانىڭ بارلىق سەكتورىن تارتىپ, ٷيلەسە جۇمىس جٷرگٸزۋگە بايلانىستى بولماق. اتاپ ايتقاندا تۇراقتاندىرۋ باعىتىنداعى قابىلدانعان شارالاردىڭ نەتيجەسٸنٸڭ 30 پايىزى عانا – مەديتسينالىق كٶمەك پەن ەپيدەميولوگييالىق شارالارعا بايلانىستى. ال قالعان 70 پايىزى جاپپاي ماسكا كييۋ رەجيمٸ مەن گيگيەناعا (30 پايىزى), سونىمەن قاتار ەلەۋمەتتٸك قاشىقتىقتى ساقتاۋعا (40 پايىزى) بايلانىستى», - دەدٸ الەكسەي تسوي ٷكٸمەت وتىرىسىندا.
وسىلايشا مينيستر كارانتين اياقتالعاننان كەيٸن, ياعني 3 تامىزدان باستاپ قانداي نىسانداردىڭ جۇمىس باستاۋىنا رۇقسات بەرٸلەتٸنٸن ايتىپ ٶتتٸ. ول ٷشٸن تٶمەندەگٸ نىسانداردا سانيتارلىق-دەزينفەكتسييالىق رەجيم ساقتالىپ, ماسكا كييۋ مەن ەلەۋمەتتٸك قاشىقتىقتى ساقتاۋ تالاپتارى ورىندالۋى كەرەك. بۇل نىساندار جۇمىسىن باستاۋ ٷشٸن اپتا ٸشٸندە ينفەكتسييانىڭ تارالۋ دەڭگەيٸ تۇراقتالىپ, تٶسەك ورىندار 70 پايىزعا بوساۋى تيٸس.
«اتاپ ايتقاندا وسىنداي شارتتار ورىندالعان جاعدايدا ويىن-ساۋىق ورتالىقتارى, ساۋدا ٷيلەرٸ, ۋاقىتى مەن كٷنٸ شەكتەۋلٸ تەرتٸپتە ساۋدا جەلٸلەرٸ, جابىق ازىق-تٷلٸك نىساندارى مەن ازىق-تٷلٸك ساتپايتىن بازارلار اشىلادى. سونداي-اق, بالالاردىڭ كوررەكتسييا كابينەتٸ, بٸلٸم بەرۋ ورتالىقتارى, بالالاردى دامىتۋ ورتالىقتارى, توپتىق ٷيٸرمەلەر (بەس بالادان اسپاۋى كەرەك) جۇمىس باستايدى. بالالاردىڭ مەكتەپكە دەيٸنگٸ مەكەمەلەرٸنە دە كەزەكشٸ توپ رەجيمٸندە جۇمىس ٸستەۋگە رۇقسات. سەن-سالوندارى, شاشتارازدار, كوسمەتيكالىق قىزمەت كٶرسەتەتٸن ورتالىقتار مەن سالوندار, مانيكيۋرلار مەن پەديكيۋرلار (الدىن الا جازىلۋ بويىنشا) دا اشىلادى», - دەدٸ ول.
الەكسەي تسويدىڭ ايتۋىنشا مەملەكەتتٸك قىزمەتشٸلەر مەن كەڭسە قىزمەتكەرلەرٸنٸڭ 80 پايىزى قاشىقتان جۇمىس ٸستەۋ تەرتٸبٸ ساقتالۋى تيٸس.
