Qazaqstan Respýblikasynyń Ulttyq banki 2020 jyldyń 3 qazanynda 2006 jylǵy úlgidegi 2 000, 5 000 jáne 10 000 teńgelik banknottardy aiyrbastaý kezeńiniń aiaqtalatynyn eske salady, dep habarlaidy "Ult aqparat".
Qolma-qol aqsha ainalymynan alynǵan banknottardy Qazaqstan Respýblikasy ulttyq valiýtasynyń qoldanystaǵy aqsha belgilerine aiyrbastaý tek qana Ulttyq banktiń filialdarynda júrgiziledi.
«2006 jylǵy banknottardy kezeń-kezeńimen aýystyrý jáne alý 2016 jyldyń qarashasynda bastaldy. Aǵymdaǵy jyldyń 3 qazanynda atalǵan banknottardyń ainalys merzimi aiaqtalǵannan keiin Ulttyq banktiń filialdary olardy qabyldaýdy jáne qoldanystaǵy aqsha belgilerine aiyrbastaýdy toqtatady. Osy kúnge deiin banknottardy elimizdiń 17 qalasynda ornalasqan QR UB barlyq aýmaqtyq filialdarynda aiyrbastaýǵa bolady», - dep atap ótti Ulttyq banktiń qolma-qol aqsha ainalymy departamentiniń direktory Jomart Qajymuratov.
