Qyrǵyzstanda 29 tamyz - Aza tutý kúni bolyp jariialandy. Prezident Almazbek Atambaev tiisti jarlyqqa qol qoidy, dep habarlady memleket basshysynyń baspasóz qyzmeti. Bul týraly baq.kz jazdy.
centralasian.org-tyń málimetinshe, jarlyqqa sáikes, 2016 jyldyń 27 tamyzynda shamamen bir ýaqytta eki birdei qaiǵyly oqiǵa tirkeldi - Qyrǵyzstannyń 14 azamaty Máskeýdegi órtten qaza tapsa, taǵy toǵyzy Bishkek-Osh kúre jolyndaǵy kólik apatynan mert boldy.
"Qyrǵyzstan halqy úshin bul orny tolmas qaza. Memlekettik organdar qaza bolǵandar men zardap shekkenderdiń otbasylaryna kómek kórsetip jatyr. Qandastarymyzdyń óliminiń sebepterin ádil tergeý úshin jumystar atqarylýda, sonyń ishinde Resei Federatsiiasynyń memlekettik organdarymen tiisti kelissózder júrgizilip jatyr", - delingen jarlyqta.
Aza tutý kúni Qyrǵyz Respýblikasynyń barlyq aimaqtarynda, sondai-aq sheteldegi diplomatiialyq jáne konsýldyq ýákildikterde QR memlekettik týy tómen túsiriledi. Mádeniet mekemeleri men teleradiokompaniialarǵa oiyn-saýyq sharalaryn keiinge qaldyrý usynylady.
Eske salaiyq, 27 tamyzda Máskeýdegi baspahana qoimasyndaǵy órtten 17 adam qaza tapty, solardyń 14-i - Qyrǵyzstan azamattary. RF TJM málimeti boiynsha, órtke ǵimarattyń birinshi qabatyndaǵy kúngizgi jaryq shamynanyń aqaýy túrtki bolǵan.
