قىرعىزستاندا 29 تامىز - ازا تۇتۋ كٷنٸ بولىپ جارييالاندى. پرەزيدەنت المازبەك اتامباەۆ تيٸستٸ جارلىققا قول قويدى, دەپ حابارلادى مەملەكەت باسشىسىنىڭ باسپاسٶز قىزمەتٸ. بۇل تۋرالى baq.kz جازدى.
centralasian.org-تىڭ مەلٸمەتٸنشە, جارلىققا سەيكەس, 2016 جىلدىڭ 27 تامىزىندا شامامەن بٸر ۋاقىتتا ەكٸ بٸردەي قايعىلى وقيعا تٸركەلدٸ - قىرعىزستاننىڭ 14 ازاماتى مەسكەۋدەگٸ ٶرتتەن قازا تاپسا, تاعى توعىزى بٸشكەك-وش كٷرە جولىنداعى كٶلٸك اپاتىنان مەرت بولدى.
"قىرعىزستان حالقى ٷشٸن بۇل ورنى تولماس قازا. مەملەكەتتٸك ورگاندار قازا بولعاندار مەن زارداپ شەككەندەردٸڭ وتباسىلارىنا كٶمەك كٶرسەتٸپ جاتىر. قانداستارىمىزدىڭ ٶلٸمٸنٸڭ سەبەپتەرٸن ەدٸل تەرگەۋ ٷشٸن جۇمىستار اتقارىلۋدا, سونىڭ ٸشٸندە رەسەي فەدەراتسيياسىنىڭ مەملەكەتتٸك ورگاندارىمەن تيٸستٸ كەلٸسسٶزدەر جٷرگٸزٸلٸپ جاتىر", - دەلٸنگەن جارلىقتا.
ازا تۇتۋ كٷنٸ قىرعىز رەسپۋبليكاسىنىڭ بارلىق ايماقتارىندا, سونداي-اق شەتەلدەگٸ ديپلوماتييالىق جەنە كونسۋلدىق ۋەكٸلدٸكتەردە قر مەملەكەتتٸك تۋى تٶمەن تٷسٸرٸلەدٸ. مەدەنيەت مەكەمەلەرٸ مەن تەلەراديوكومپانييالارعا ويىن-ساۋىق شارالارىن كەيٸنگە قالدىرۋ ۇسىنىلادى.
ەسكە سالايىق, 27 تامىزدا مەسكەۋدەگٸ باسپاحانا قويماسىنداعى ٶرتتەن 17 ادام قازا تاپتى, سولاردىڭ 14-ٸ - قىرعىزستان ازاماتتارى. رف تجم مەلٸمەتٸ بويىنشا, ٶرتكە عيماراتتىڭ بٸرٸنشٸ قاباتىنداعى كٷنگٸزگٸ جارىق شامىنانىڭ اقاۋى تٷرتكٸ بولعان.
