Sintetikalyq esirtki saýdasy men qylmystyq kiristerdi zańdastyrýmen ainalysqan transulttyq qylmystyq toptyń jetekshisi dep kúdikke ilingen Ýkraina azamaty Polshadan Qazaqstanǵa ekstraditsiialandy, dep habarlaidy ult.kz.
Bas prokýratýranyń habarlaýynshka, kúdikti halyqaralyq qylmystyq topty uiymdastyryp, oǵan jetekshilik etken. Ol Telegram jelisindegi «Kaef Mafia» internet-dúkeni arqyly esirtki jáne psihotroptyq zattardy bailanyssyz tásilmen satýdy jolǵa qoiǵan.
Arnaiy prokýrorlardyń deregine sáikes, qylmystyq áreket barysynda bank shottary arqyly 2,8 mlrd teńgeden astam qarjy ainalymǵa túsken. Keiin bul qarajat memleket paidasyna tárkilendi.
Jedel-izdestirý sharalary kezinde qylmystyq top múshelerinen 1,2 keliden astam esirtki jáne psihotroptyq zattar tárkilengen.
Prokýratýranyń málimetinshe, qylmys áshkerelengennen keiin top músheleriniń bir bóligi sottalǵan. Al uiymdastyrýshy retinde kúdikke ilingen azamat tergeýden jasyrynǵandyqtan halyqaralyq izdeýge jariialanǵan.
Kúdikti ótken jyldyń jeltoqsan aiynda Polsha aýmaǵynda ustalyp, Qazaqstan Bas prokýratýrasynyń suraýy negizinde elge ekstraditsiialandy.
Qazirgi ýaqytta ol tergeý izoliatoryna qamaldy. Zań boiynsha oǵan taǵylǵan aiyptar dáleldense, múlki tárkilenip, 20 jylǵa deiin bas bostandyǵynan aiyrylýy múmkin.
