Soltústik Qazaqstan oblysynda internet-alaiaqtyq qylmystyq shemasyna qatysqan azamatqa qatysty sot úkimi zańdy kúshine endi, dep habarlaidy ult.kz.
Polisia.kz málimetinshe, tergeý materialdaryna sáikes, alaiaqtar Petropavl qalasynyń turǵynyna bank qyzmetkerleri retinde habarlasyp, onyń esepshotyndaǵy qarajatqa bógde adamdar qol jetkizgenin aityp sendirgen. Keiin aqshany «qaýipsiz shotqa» aýdarý qajet degen jeleýmen jábirlenýshini nesie rásimdeýge jáne alynǵan qarajatty ózderi kórsetken esepshotqa jiberýge kóndirgen.
Tergeý barysynda qylmystyq shemanyń qatysýshylarynyń biri Pavlodar qalasyndaǵy bankomat arqyly jábirlenýshige tiesili 2 mln 860 myń teńgeni qolma-qol aqshaǵa ainaldyryp, keiin ony kriptovaliýtaǵa aiyrbastaǵany anyqtaldy. Ol bul áreketi úshin aqshanyń bir bóligin ózine qaldyrǵan.
Kúdikti izin jasyrý úshin bankomatqa meditsinalyq betperde men kepka kiip barǵanymen, politsiia onyń jeke basyn anyqtady. Ol – Pavlodar oblysynyń 21 jastaǵy turǵyny.
Sot onyń zańsyz jolmen alynǵan aqshany qolma-qol aqshaǵa ainaldyrý mindetin qasaqana oryndaǵanyn dáleldengen dep tanyp, bas bostandyǵyn shekteý jazasyn taǵaiyndady.
Sonymen qatar sottalǵan azamat jábirlenýshige keltirilgen 2 mln 790 myń teńge materialdyq shyǵyndy óteýge mindetteldi. Úkim zańdy kúshine endi.
