سولتٷستٸك قازاقستان وبلىسىندا ينتەرنەت-الاياقتىق قىلمىستىق سحەماسىنا قاتىسقان ازاماتقا قاتىستى سوت ٷكٸمٸ زاڭدى كٷشٸنە ەندٸ, دەپ حابارلايدى ult.kz.
Polisia.kz مەلٸمەتٸنشە, تەرگەۋ ماتەريالدارىنا سەيكەس, الاياقتار پەتروپاۆل قالاسىنىڭ تۇرعىنىنا بانك قىزمەتكەرلەرٸ رەتٸندە حابارلاسىپ, ونىڭ ەسەپشوتىنداعى قاراجاتقا بٶگدە ادامدار قول جەتكٸزگەنٸن ايتىپ سەندٸرگەن. كەيٸن اقشانى «قاۋٸپسٸز شوتقا» اۋدارۋ قاجەت دەگەن جەلەۋمەن جەبٸرلەنۋشٸنٸ نەسيە رەسٸمدەۋگە جەنە الىنعان قاراجاتتى ٶزدەرٸ كٶرسەتكەن ەسەپشوتقا جٸبەرۋگە كٶندٸرگەن.
تەرگەۋ بارىسىندا قىلمىستىق سحەمانىڭ قاتىسۋشىلارىنىڭ بٸرٸ پاۆلودار قالاسىنداعى بانكومات ارقىلى جەبٸرلەنۋشٸگە تيەسٸلٸ 2 ملن 860 مىڭ تەڭگەنٸ قولما-قول اقشاعا اينالدىرىپ, كەيٸن ونى كريپتوۆاليۋتاعا ايىرباستاعانى انىقتالدى. ول بۇل ەرەكەتٸ ٷشٸن اقشانىڭ بٸر بٶلٸگٸن ٶزٸنە قالدىرعان.
كٷدٸكتٸ ٸزٸن جاسىرۋ ٷشٸن بانكوماتقا مەديتسينالىق بەتپەردە مەن كەپكا كيٸپ بارعانىمەن, پوليتسييا ونىڭ جەكە باسىن انىقتادى. ول – پاۆلودار وبلىسىنىڭ 21 جاستاعى تۇرعىنى.
سوت ونىڭ زاڭسىز جولمەن الىنعان اقشانى قولما-قول اقشاعا اينالدىرۋ مٸندەتٸن قاساقانا ورىنداعانىن دەلەلدەنگەن دەپ تانىپ, باس بوستاندىعىن شەكتەۋ جازاسىن تاعايىندادى.
سونىمەن قاتار سوتتالعان ازامات جەبٸرلەنۋشٸگە كەلتٸرٸلگەن 2 ملن 790 مىڭ تەڭگە ماتەريالدىق شىعىندى ٶتەۋگە مٸندەتتەلدٸ. ٷكٸم زاڭدى كٷشٸنە ەندٸ.
