Qazaqstan shahmat federatsiiasy 2024 jylǵy jetistikteri úshin elimizdiń shahmatshylar qaýymynyń úzdik ókilderiniń esimderip atap, marapattady. Sheraton Astana Hotel zalynda ótken KazChess Awards — elimizdiń basty shahmat júldesin saltanatty tabys etý rásiminde sportshylar, jattyqtyrýshylar, ardagerler, tóreshiler, media jáne memlekettik qurylymdardyń ókilderi bas qosty.
Keshti ashqan Qazaqstan shahmat federatsiiasynyń prezidenti Timýr Týrlov elimizdiń mádeni jáne sporttyq murasy úshin shahmattyń erekshe mańyzdy ekenin atap ótti. Ol Qoǵamdyq marapat: «Úmit» («Nadejda») ordenin Qazaqstan tarihyndaǵy eń jas grossmeister 14 jasar Edgar Mamedovke jáne «Dara» («Ýnikalnyi») ordenin erler arasyndaǵy grossmeister ataǵyn ielengen el tarihyndaǵy ekinshi shahmatshy qyz Bibisare Asaýbaevaǵa tabys etti.
«Ár marapattyń artynda myńdaǵan saǵat qajyrly eńbek, ózine sený jáne jaqyn adamdardyń qoldaýy jatyr. Bul chempion rýhynyń qudiretin kórsetetin jáne basqalarǵa shabyt syilatyn hikaialar. Biz ár laýreattyń jetistikterin ǵana emes, árqaisysynyń júrip ótken jolyn atap qurmet kórsetýge qýanyshtymyz. Sońǵy bir jyldyń ishinde talai ret shahmatshylarymyzdyń jetistikterine kýá bolǵan biz muny maqtan tutamyz. Olar boiyndaǵy talanty men tabandylyǵynyń, sondai-aq jattyqtyrýshy, uiymdastyrýshy, metsenattardyń, iaǵni kadrdyń syrtynda júrip Qazaqstan shahmat mektebiniń ósýi men órkendeýin múmkin etetin barlyq adamdardyń orasan zor eńbeginiń arqasynda osynaý zor jeńiske jetip otyr», – dep atap ótti Qazaqstan shahmat federatsiiasynyń prezidenti Timýr Týrlov.
KazChess Awards 2025 laýreattary:
• Halyqaralyq arenadaǵy úzdik debiýt — Nuráli Bolashaqov
• KazChess/QShF úzdik filialy — Aqtóbe oblysy, Gúlqasima Súientaeva
• Jyl iýniory (ul balalar) — Mark Smirnov
• Jyl iýniory (qyz balalar) — Alanna Berikqyzy
• Erekshe sportshy — Álimjan Aiapov jáne Samajan Kettebekov
• Úzdik ardagerler — Vladislav Nasybýllin jáne Álfiia Tórebaeva
• Úzdik tóreshi — Serikbai Temirbaev
• Jyldyń shahmat ambassadory — Ivan Chervinskii, @alga.peterburg
• Media arasyndaǵy jyl seriktesi — Arman Qorjynbaev, «Delovoi Kazahstan»
• Jyl komandasy — Qazaqstannyń áielder quramasy: Bibisara Asaýbaeva, Merýert Kamalidenova, Kseniia Balabaeva, Alýa Nurman, Ámina Qaiyrbekova; jattyqtyrýshylary Pavel Kotsýr jáne Aleksandr Moiseenko
• Erler arasyndaǵy úzdik sportshy — Qazybek Nógerbek jáne onyń jattyqtyrýshysy Erjan Shákenov
• Úzdik sportshy qyz — Bibisara Asaýbaeva
• Úzdik jattyqtyrýshy — Pavel Kotsýr
• Prezident tańdaýy — Elnaz Qaliahmet
Mark Smirnov pen Alanna Berikqyzy «Úmit» ordenderimen, al Merýert Kamalidenova, Kseniia Balabaeva, Alýa Nurman, Ámina Qaiyrbekova, Pavel Kotsýr, Aleksandr Moiseenko, Qazybek Nógerbek jáne Erjan Shákenov «Dara» ordenderimen marapattaldy.
«BMP Live Band» toby men Marsel Alseiitov «Bul ómirde» hitin oryndap, keshte tamasha mýzykalyq kóńil-kúi ornatty. Is-shara sońynda konfetti saliýti atyldy, al qonaqtardyń barlyǵynyń birge fotosýretke túsýi shahmatshylar qoǵamdastyǵynyń birliginiń nyshany ispetti boldy.
KazChess Awards tarihy
KazChess Awards syilyǵyn tabys etý rásimi 2023 jyldan bastaý alady. Almatyda ótken tuńǵysh saltanatty rásimde 9 nominatsiia boldy, sol kezden bastap shahmattyń damýyna úles qosyp jatqan jandardy ádil irikteý jáne marapattaý dástúri qalyptasty. Alǵashqy laýreattar qatarynda Bibisara Asaýbaeva, Rinat Jumabaev, Jansaia Ábdimálik, Dinara Sádýaqasova jáne Qazybek Nógerbek boldy.
2024 jyly syilyqtyń aýqymy 12 sanatqa deiin keńeidi, al 2025 jyly 15-ke jetti. Bul elimizdegi shahmat qozǵalysynyń óskenin kórsetedi: ótken jyldyń ózinde ǵana Qazaqstan shahmatshylary ár túrli halyqaralyq jarysta rekordtyq 160 medal (55 altyn, 54 kúmis, 51 qola medal) jeńip aldy.
KazChess Awards syilyǵynyń Qazaqstan shahmatynyń «Oskary» dep atalýy oryndy – óitkeni bul jai ǵana marapat emes, tabysqa jetýdiń nyshany, jas sportshylar úshin tamasha úlgi jáne búkil shahmatshylar qaýymy úshin mańyzdy marker.
Qazaqstan shahmat federatsiiasy jas daryn ielerin qoldaýdy, infraqurylymdy jetildirýdi, tsifrlyq sheshimder engizýdi jáne álemdik deńgeidegi bedeldi týrnirler uiymdastyrýdy odan ári jalǵastyra bermek.
KazChess Awards is-sharasy tabandylyq, ádil oiyn jáne kemeldikke umtylý nazardan tys qalmai, qoshemetke bóleitinin kósetip otyr.
