27-28 maýsymda Nur-Sultanda azyq-túlik dúkenderi ǵana jumys isteidi. Bul týraly Nur-Sultan qalasy ákimdiginen málim etti, dep habarlaidy «Ult aqparat».
27-28 maýsym kúnderi elordada tek azyq-túlik dúkenderi jumys isteidi. Jumys kestesi saǵat 10-nan 17-ge deiin. Demalys kúnderi barlyq saýda ortalyqtary, saýda úiler, azyq-túlik jáne ózge de taýarlar satatyn bazarlar, dúkender jumys istemeidi.
«Ótken «karantindik demalys» syrqattaný deńgeiin tómendetýdiń oń dinamikasyn kórsetti. Osy demalys kúnderi – 27 jáne 28 maýsymda biz «úidegi demalys» kúnin engizemiz. Qazirgi ýaqytta qalada aýrýdyń negizgi eki oshaǵy otbasylyq jáne ujymdyq bolyp otyr. Demalys kúnderi turǵyndarǵa jaqyn mańdaǵy azyq-túlik dúkenine, dárihanaǵa barýdy, meditsinalyq qyzmet alýdy nemese ruqsat etilgen jumysqa barýdy qospaǵanda, úilerinen shyǵýǵa tyiym salynady. Qalanyń tynys-tirshiligin qamtamasyz etetin kásiporyndar men úi mańyndaǵy azyq-túlik dúkenderi ǵana jumys isteidi. Bazarlar da jabylady. Azamattar senbige deiin qajetti ónimderin satyp alýy kerek. Úi mańyndaǵy azyq-túlik dúkenderinde qajettiniń bári bar», – dedi qalanyń bas sanitarlyq dárigeri Janna Pirálieva.
Sonymen qatar 27-28 maýsymda dárihanalardyń, kóshe formatyndaǵy (jazdyq) qoǵamdyq tamaqtaný oryndarynyń jumysyna ruqsat etiledi. Bul rette atalǵan nysandar qatań sanitariialyq normalaryn saqtaýy kerek.
