Qyrǵyzstanda 26 jastaǵy Aichúrók esimdi kelinshektiń jumbaq jaǵdaida qaza tabýy qoǵamda úlken rezonans týdyrdy. Oqiǵa áleýmettik jelilerde qyzý talqylanyp, turǵyndar istiń ádil ári ashyq tergelýin talap etýde, dep habarlaidy ult.kz.
Oqiǵanyń mán-jaiyn anyqtaý maqsatynda SUPER.KG portalynyń tilshileri marqumnyń týǵan úiine baryp, anasymen, aǵasymen jáne basqa da jaqyndarymen suhbattasqan. Olar Aichúróktiń ólimine qatysty óz kúmánderin aityp, tergeýdiń ádil júrgizilýine úmit bildirdi.
Marqumnyń anasynyń aitýynsha, qyzy eshqashan ózine qol jumsaityn adam bolmaǵan. Ol Aichúróktiń ómirge qushtar, bolashaqqa josparlary kóp bolǵanyn aityp, onyń ólimine qatysty barlyq mán-jaidyń muqiiat tekserilýin surady.
«Qyzym mundai qadamǵa barmaityn edi. Biz tek ádildik ornap, kináliler zań aldynda jaýap berse eken deimiz», – deidi ol.
Marqumnyń aǵasy da otbasynyń oqiǵanyń resmi nusqasyna kúmánmen qaraitynyn jetkizdi. Onyń sózinshe, otbasy istiń tolyq ashylyp, barlyq saraptama nátijesi jariia bolǵanyn qalaidy. Marqumnyń týystary kelinshektiń qaiyn enesi psihikalyq aýytqýy bar degen qujat daiyndap júrgenin aitty.
Bul oqiǵa Qyrǵyzstan qoǵamynda qyzý pikirtalas týdyrdy. Áleýmettik jeli qoldanýshylary quqyq qorǵaý organdaryn tergeýdi ashyq júrgizýge shaqyryp, oqiǵanyń shynaiy sebebi anyqtalýy tiis ekenin jazýda. Kópshilik jas kelinshektiń ólimine qatysty barlyq kúmándi jaittarǵa quqyqtyq baǵa berilýin talap etýde.
