قىرعىزستاندا 26 جاستاعى ايچٷرٶك ەسٸمدٸ كەلٸنشەكتٸڭ جۇمباق جاعدايدا قازا تابۋى قوعامدا ٷلكەن رەزونانس تۋدىردى. وقيعا ەلەۋمەتتٸك جەلٸلەردە قىزۋ تالقىلانىپ, تۇرعىندار ٸستٸڭ ەدٸل ەرٸ اشىق تەرگەلۋٸن تالاپ ەتۋدە, دەپ حابارلايدى ult.kz.
وقيعانىڭ مەن-جايىن انىقتاۋ ماقساتىندا SUPER.KG پورتالىنىڭ تٸلشٸلەرٸ مارقۇمنىڭ تۋعان ٷيٸنە بارىپ, اناسىمەن, اعاسىمەن جەنە باسقا دا جاقىندارىمەن سۇحباتتاسقان. ولار ايچٷرٶكتٸڭ ٶلٸمٸنە قاتىستى ٶز كٷمەندەرٸن ايتىپ, تەرگەۋدٸڭ ەدٸل جٷرگٸزٸلۋٸنە ٷمٸت بٸلدٸردٸ.
مارقۇمنىڭ اناسىنىڭ ايتۋىنشا, قىزى ەشقاشان ٶزٸنە قول جۇمسايتىن ادام بولماعان. ول ايچٷرٶكتٸڭ ٶمٸرگە قۇشتار, بولاشاققا جوسپارلارى كٶپ بولعانىن ايتىپ, ونىڭ ٶلٸمٸنە قاتىستى بارلىق مەن-جايدىڭ مۇقييات تەكسەرٸلۋٸن سۇرادى.
«قىزىم مۇنداي قادامعا بارمايتىن ەدٸ. بٸز تەك ەدٸلدٸك ورناپ, كٸنەلٸلەر زاڭ الدىندا جاۋاپ بەرسە ەكەن دەيمٸز», – دەيدٸ ول.
مارقۇمنىڭ اعاسى دا وتباسىنىڭ وقيعانىڭ رەسمي نۇسقاسىنا كٷمەنمەن قارايتىنىن جەتكٸزدٸ. ونىڭ سٶزٸنشە, وتباسى ٸستٸڭ تولىق اشىلىپ, بارلىق ساراپتاما نەتيجەسٸ جارييا بولعانىن قالايدى. مارقۇمنىڭ تۋىستارى كەلٸنشەكتٸڭ قايىن ەنەسٸ پسيحيكالىق اۋىتقۋى بار دەگەن قۇجات دايىنداپ جٷرگەنٸن ايتتى.
بۇل وقيعا قىرعىزستان قوعامىندا قىزۋ پٸكٸرتالاس تۋدىردى. ەلەۋمەتتٸك جەلٸ قولدانۋشىلارى قۇقىق قورعاۋ ورگاندارىن تەرگەۋدٸ اشىق جٷرگٸزۋگە شاقىرىپ, وقيعانىڭ شىنايى سەبەبٸ انىقتالۋى تيٸس ەكەنٸن جازۋدا. كٶپشٸلٸك جاس كەلٸنشەكتٸڭ ٶلٸمٸنە قاتىستى بارلىق كٷمەندٸ جايتتارعا قۇقىقتىق باعا بەرٸلۋٸن تالاپ ەتۋدە.
