Qytai bastaǵan 26 memleket indettiń ekonomikaǵa yqpalyn azaitý úshin AQSh pen ózge de Batys elderi salǵan sanktsiiany alyp tastaýǵa shaqyrdy.
BUU Bas assambleiasynyń Adam quqyqtary jónindegi otyrysynda osyndai bastama kótergen Qytai sanktsiia BUU jarǵysyna qaishy keledi dedi. Buǵan qosa, sanktsiia adam quqyǵyn buzyp, indetten zardap shekken elderdiń "damýyna bóget jasaidy", halyqtyń densaýlyqty qorǵaý quqyǵyna nuqsan keltiredi dedi.
Málimdemeni Resei, Siriia jáne Batys sanktsiiasyna ushyraǵan ózge de elder qoldady.
Al Halyqaralyq valiýta qory kedei elderge shuǵyl kómek berýdi maquldady. Qarjylai kómek jaǵdaiy nashar elderdiń qaryzyn azaityp, indetpen kúresti údetýge baǵyttalǵan. Uiym sonyń arqasynda kedei elder qarjysyn únemdep, ony meditsina siiaqty óte mańyzdy salalarǵa jumsai alady dep sanaidy.
Halyqaralyq uiymnan qarjylai kómek alatyn memleketter arasynda Aýǵanstan men Tájikstan da bar.
Eýropada indettiń ekinshi tolqyny bastalyp, birqatar elder karantin sharalaryn kúsheitýge kóshken shaqta halyqaralyq uiym osyndai sheshim qabyldap otyr.
