قىتاي باستاعان 26 مەملەكەت ٸندەتتٸڭ ەكونوميكاعا ىقپالىن ازايتۋ ٷشٸن اقش پەن ٶزگە دە باتىس ەلدەرٸ سالعان سانكتسييانى الىپ تاستاۋعا شاقىردى.
بۇۇ باس اسسامبلەياسىنىڭ ادام قۇقىقتارى جٶنٸندەگٸ وتىرىسىندا وسىنداي باستاما كٶتەرگەن قىتاي سانكتسييا بۇۇ جارعىسىنا قايشى كەلەدٸ دەدٸ. بۇعان قوسا, سانكتسييا ادام قۇقىعىن بۇزىپ, ٸندەتتەن زارداپ شەككەن ەلدەردٸڭ "دامۋىنا بٶگەت جاسايدى", حالىقتىڭ دەنساۋلىقتى قورعاۋ قۇقىعىنا نۇقسان كەلتٸرەدٸ دەدٸ.
مەلٸمدەمەنٸ رەسەي, سيرييا جەنە باتىس سانكتسيياسىنا ۇشىراعان ٶزگە دە ەلدەر قولدادى.
ال حالىقارالىق ۆاليۋتا قورى كەدەي ەلدەرگە شۇعىل كٶمەك بەرۋدٸ ماقۇلدادى. قارجىلاي كٶمەك جاعدايى ناشار ەلدەردٸڭ قارىزىن ازايتىپ, ٸندەتپەن كٷرەستٸ ٷدەتۋگە باعىتتالعان. ۇيىم سونىڭ ارقاسىندا كەدەي ەلدەر قارجىسىن ٷنەمدەپ, ونى مەديتسينا سيياقتى ٶتە ماڭىزدى سالالارعا جۇمساي الادى دەپ سانايدى.
حالىقارالىق ۇيىمنان قارجىلاي كٶمەك الاتىن مەملەكەتتەر اراسىندا اۋعانستان مەن تەجٸكستان دا بار.
ەۋروپادا ٸندەتتٸڭ ەكٸنشٸ تولقىنى باستالىپ, بٸرقاتار ەلدەر كارانتين شارالارىن كٷشەيتۋگە كٶشكەن شاقتا حالىقارالىق ۇيىم وسىنداي شەشٸم قابىلداپ وتىر.
