Shetelde kadrlar daiarlaý jónindegi respýblikalyq komissiia 251 qazaqstandyqqa «Bolashaq» stipendiiasyn taǵaiyndaý týraly sheshim shyǵardy, dep habarlaidy "Ult aqparat" «Bolashaq» Halyqaralyq baǵdarlamalar ortalyǵy AQ-ǵa silteme jasap.
2017 jyly «Bolashaq» baǵdarlamasy boiynsha 600 stipendiia bólingen. Respýblikalyq komissiianyń eki otyrysynyń qorytyndylary boiynsha sonyń 251-i óz iesin tapty.
«Bolashaq» halyqaralyq stipendiiasyn alýǵa aǵymdaǵy jyldyń 29 mamyrynan 16 qarashasyna deiin qujat qabyldandy. Stipendiia taǵaiyndaý jónindegi konkýrs 5 maýsymda bastalyp, 20 jeltoqsanǵa deiin ótkiziledi.
Shetelde kadrlar daiarlaý jónindegi Respýblikalyq komissiianyń «Bolashaq» baǵdarlamasy boiynsha stipendiialar taǵaiyndaýǵa arnalǵan kelesi otyrysy jeltoqsannyń basynda ótedi.
