Petropavl mańynda bostandyqqa shyqqanyna kóp ýaqyt ótpei áielge shabýyl jasaǵan er adam taǵy 9 jylǵa bas bostandyǵynan aiyryldy, dep habarlaidy ult.kz.
Oqiǵa 19 maýsymda bolǵan. Sot málimetinshe, Valerii Krichinevskii velosipedpen kele jatqan áieldi toqtatyp, joǵalǵan siyryn izdep júrgenin aitqan. Keiin ony moinynan qylǵyndyryp, jerge qulatyp, pyshaqpen qorqytyp, ormanǵa birge barýdy talap etken.
Alaida qylmyskerdiń áreketin jolmen ótip bara jatqan er adam baiqap qalǵan. Osy sátti paidalanǵan jábirlenýshi qashyp ketken.
Krichinevskii buǵan deiin qaraqshylyq, zorlaý jáne kámeletke tolmaǵan balaǵa qatysty seksýaldyq zorlyq-zombylyq áreketi úshin 25 jylǵa sottalǵan. Jazasyn tolyq ótep, 2024 jylǵy 12 qańtarda bosap shyqqan.
Bul joly sot ony QR QK 121-babynyń 2-bóligi boiynsha kináli dep tanyp, 9 jylǵa bas bostandyǵynan aiyrdy. Ol jazasyn barynsha joǵary qaýipsizdik mekemesinde óteidi.
Sot úkimi ázirge zańdy kúshine engen joq.
