پەتروپاۆل ماڭىندا بوستاندىققا شىققانىنا كٶپ ۋاقىت ٶتپەي ەيەلگە شابۋىل جاساعان ەر ادام تاعى 9 جىلعا باس بوستاندىعىنان ايىرىلدى, دەپ حابارلايدى ult.kz.
وقيعا 19 ماۋسىمدا بولعان. سوت مەلٸمەتٸنشە, ۆالەريي كريچينەۆسكيي ۆەلوسيپەدپەن كەلە جاتقان ەيەلدٸ توقتاتىپ, جوعالعان سيىرىن ٸزدەپ جٷرگەنٸن ايتقان. كەيٸن ونى موينىنان قىلعىندىرىپ, جەرگە قۇلاتىپ, پىشاقپەن قورقىتىپ, ورمانعا بٸرگە بارۋدى تالاپ ەتكەن.
الايدا قىلمىسكەردٸڭ ەرەكەتٸن جولمەن ٶتٸپ بارا جاتقان ەر ادام بايقاپ قالعان. وسى سەتتٸ پايدالانعان جەبٸرلەنۋشٸ قاشىپ كەتكەن.
كريچينەۆسكيي بۇعان دەيٸن قاراقشىلىق, زورلاۋ جەنە كەمەلەتكە تولماعان بالاعا قاتىستى سەكسۋالدىق زورلىق-زومبىلىق ەرەكەتٸ ٷشٸن 25 جىلعا سوتتالعان. جازاسىن تولىق ٶتەپ, 2024 جىلعى 12 قاڭتاردا بوساپ شىققان.
بۇل جولى سوت ونى قر قك 121-بابىنىڭ 2-بٶلٸگٸ بويىنشا كٸنەلٸ دەپ تانىپ, 9 جىلعا باس بوستاندىعىنان ايىردى. ول جازاسىن بارىنشا جوعارى قاۋٸپسٸزدٸك مەكەمەسٸندە ٶتەيدٸ.
سوت ٷكٸمٸ ەزٸرگە زاڭدى كٷشٸنە ەنگەن جوق.
