Qordai aýdanynda ornalasqan Bilim jáne ǵylym ministrligi ǵylym komitetiniń biologiialyq qaýipsizdik problemalarynyń ǵylymi-zertteý institýty bazasynda qazaqstandyq QazCovid-in vaktsinasy ázirlenip jatyr. Bul jaiynda Baq.kz saity habarlady.
Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria aitqandai, koronavirýsqa qarsy qazaqstandyq vaktsinanyń alǵashqy partiiasy 25 sáýir jetkiziledi.
Búginde ǵylymi- zertteý institýty men «SQ-Farmatsiia» arasynda 2 mln vaetsina jetkizý boiynsha kelisimshart bar. Alǵashqy jetkizý sáýirdiń sońyna josparlanǵan. Qazirgi tańda qazaqstandyq vaktsinanyń 50 myń dozasy daiyn. Ol biologiialyq baqylaýda tur. 25 sáýirde qazaqstandyq vaktsinanyń alǵashqy partiiasy, iaǵni 50 myń dozasy «SQ-Farmatsiia» habtaryna jetkiziledi, - dedi ol.
Zakarianyń aitýynsha, bul vaktsinanyń dozasy 25 myń adamdy vaktsinatsiialaýǵa múmkindik beredi.
QazCovid-in vaktsinatsiiasy eki kezeńmen egiledi. Alǵashqy vaktsinadan keiin 21 kún ótken soń vaktsinanyń ekinshi dozasy egiledi. Búginde vaktsina kólemi 2 mln doza. Kólemdi ulǵaitý týraly tapsyrma túsken jaǵdaida el boiynsha vaktsinany kóbeitetin alańdardy izdeitin bolamyz. Jyl saiyn bizdiń institýt 25 mln vaktsina óndiredi. Atalǵan vaktsina bizdiń institýtta ázirledi, - dedi zertteý ortalyǵynyń direktory.
QazCovid-in-koronavirýsqa qarsy ázirlenip jatqan 5 vaktsinanyń biri. Inaktivti vaktsinany ázirleý 2020 jyldyń kókteminde bastalǵan bolatyn. 2020 jyldyń mamyrynda janýarlarǵa klinikalyq synama júrgizildi.
Qazaqstandyq vaktsinany adamdarǵa egý boiynsha synaqtyń birinshi kezeńi, iaǵni 2020 jyldyń qyrkúieginde 44 erikti vaktsina saldyrdy. Vaktsinatsiia arasy 21 kúndi quraityn eki kezeńnen turady. Ekinshi kezeńde 200 erikti vaktsina saldyrǵan. Qazir vaktsinanyń úshinshi kezeńi júzege asyrylyp jatyr. Ony 3 myń erikti saldyrady. 1-kezeń 100 paiyz tiimdilikpen, 2-kezeń 96 paiyzben júzege asyryldy. Úshinshi kezeń 15 sáýirde aiaqtalady. Sol kezde zertteýdiń tiimdiligi belgili bolady, - dedi Kúnsulý Zakaria.
Ol ataǵandai, 3 myń eriktige eki kezeńdik vaktsina salyndy.
Olardan eshqandai janama áser anyqtalǵan joq. 50 myń doza tapsyrylady. Kelesi ailarda kólemin kóbeitip, 500 myń dozaǵa shyǵamyz, - dedi ol.
Zertteý direktory reseilik jáne qazaqstandyq vaktsinanyń aiyrmashylyǵyn aitty.
Eki vaktsina eki túrli platformada daiyndalǵan. Olardy tehnologiiasy jaǵynan salystyrýǵa bolmaidy. Bizdiń QazCovid-in vaktsinasy óltirilgen, al «Sputnik-V» vektorlyq vaktsina bolyp tabylady. Qazaqstandyq vaktsina reseilikten tiimdiligi boiynsha artta emes, - dedi Zakaria.
Zertteý aiaqtalǵanyn kútpei qazaqstandyq vaktsinany Ashat Aimaǵambetov saldyrdy. Al densaýlyq saqtaý ministri Aleksei Tsoi QazCovid-in vaktsinasyn kútip júrgenin aitty.
Aita keteiik, institýttyń qurylý tarihy ótken ǵasyrdyń 50-shi jyldarynyń aiaǵynan bastalyp, qalyptasýy men damýy turǵysynda eki kezeńnen turady.
1956 jyldan bastap 1991 jylǵa deiin «keńestik» dep ataldy. 1992 jylǵa deiin institýt KSRO AShM quramynda boldy.
Keńes odaǵynyń kúireýi men ǵylymi kadrlardyń ketisi AShǴZI-ynyń qyzmetine ózgerister engizip, institýttyń damýynyń ekinshi kezeńine jol berdi.
Jańa realiialar men zertteýlerdiń jańa baǵyttary institýt ǵalymdary úshin jańa maqsattarǵa alyp keldi.
