Foto: Polisia.kz
Aqtóbede saýda ortalyǵynan 25 mln teńgeniń altyn buiymyn jymqyrǵan qylmystyq top ustaldy, – dep habarlaidy "Ult aqparat" Polisia.kz portalyna silteme jasap.
1 qarashada túnde Aqtóbe qalasyndaǵy iri saýda-oiyn saýyq ortalyqtarynyń birindegi saýda ornynan asa iri kólemde altyn buiymdar urlanǵan. Zergerlik buiymdardyń joǵalǵanyn satýshy kelesi kúni tańerteń bilgen. 29 jastaǵy kásipkerge keltirilgen shyǵyn kólemi 25 million teńgege jýyqtady.
"Osy derek boiynsha politsiia qyzmetkerleri beinekameralardyń jazbalaryn zerdeleý kezinde meditsinalyq betperde kigen er adamnyń saýda ornyna jasyryn kirip, kilt salý arqyly shkaftan altyn buiymdardy urlaǵany anyqtaldy. Politsiia qyzmetkerleri jedel-izdestirý sharalaryn júrgizý barysynda kúdiktiniń jeke basyn “izin sýytpai” anyqtady. Ol 25 jastaǵy aýdan turǵyny bolyp shyqty.
Kúdiktiniń túngi ýaqytta saýda-oiyn saýyq ortalyǵynda adamdardyń azdyǵyn paidalanyp, óziniń 3 sybailasymen birlese áreket jasaǵany anyqtaldy.
Olar ortalyqtyń ishinde bir-birimen qulaqqap arqyly bailanysyp otyrǵan jáne osy qylmysty jasaǵannan keiin BQO Oral qalasyna boi tasalaǵan. Kúdiktilerdiń barlyǵy buryn sottalǵan oblys turǵyndary ekeni anyqtalyp, olar 2 qarashada kriminaldyq politsiia qyzmetkerlerimen Oral qalasynda ustaldy" - delingen habarlamada.
