فوتو: Polisia.kz
اقتٶبەدە ساۋدا ورتالىعىنان 25 ملن تەڭگەنٸڭ التىن بۇيىمىن جىمقىرعان قىلمىستىق توپ ۇستالدى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
1 قاراشادا تٷندە اقتٶبە قالاسىنداعى ٸرٸ ساۋدا-ويىن ساۋىق ورتالىقتارىنىڭ بٸرٸندەگٸ ساۋدا ورنىنان اسا ٸرٸ كٶلەمدە التىن بۇيىمدار ۇرلانعان. زەرگەرلٸك بۇيىمداردىڭ جوعالعانىن ساتۋشى كەلەسٸ كٷنٸ تاڭەرتەڭ بٸلگەن. 29 جاستاعى كەسٸپكەرگە كەلتٸرٸلگەن شىعىن كٶلەمٸ 25 ميلليون تەڭگەگە جۋىقتادى.
"وسى دەرەك بويىنشا پوليتسييا قىزمەتكەرلەرٸ بەينەكامەرالاردىڭ جازبالارىن زەردەلەۋ كەزٸندە مەديتسينالىق بەتپەردە كيگەن ەر ادامنىڭ ساۋدا ورنىنا جاسىرىن كٸرٸپ, كٸلت سالۋ ارقىلى شكافتان التىن بۇيىمداردى ۇرلاعانى انىقتالدى. پوليتسييا قىزمەتكەرلەرٸ جەدەل-ٸزدەستٸرۋ شارالارىن جٷرگٸزۋ بارىسىندا كٷدٸكتٸنٸڭ جەكە باسىن “ٸزٸن سۋىتپاي” انىقتادى. ول 25 جاستاعى اۋدان تۇرعىنى بولىپ شىقتى.
كٷدٸكتٸنٸڭ تٷنگٸ ۋاقىتتا ساۋدا-ويىن ساۋىق ورتالىعىندا ادامداردىڭ ازدىعىن پايدالانىپ, ٶزٸنٸڭ 3 سىبايلاسىمەن بٸرلەسە ەرەكەت جاساعانى انىقتالدى.
ولار ورتالىقتىڭ ٸشٸندە بٸر-بٸرٸمەن قۇلاققاپ ارقىلى بايلانىسىپ وتىرعان جەنە وسى قىلمىستى جاساعاننان كەيٸن بقو ورال قالاسىنا بوي تاسالاعان. كٷدٸكتٸلەردٸڭ بارلىعى بۇرىن سوتتالعان وبلىس تۇرعىندارى ەكەنٸ انىقتالىپ, ولار 2 قاراشادا كريمينالدىق پوليتسييا قىزمەتكەرلەرٸمەن ورال قالاسىندا ۇستالدى" - دەلٸنگەن حابارلامادا.
