Shymkentte iri kólemde qarjy jymqyrdy degen kúdikke ilingen oblystyq balalar aýrýhanasynyń bas dárigeri men bas esepshisi sottaldy. Bul týraly AntikorNEWS alańynda QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov aitty, dep habarlaidy QazAqparat.
«Shymkent qalasy Qarataý aýdandyq sotynyń úkimimen Túrkistan oblysy densaýlyq saqtaý basqarmasyna qarasty oblystyq balalar aýrýhanasynyń bas dárigeri A.A.Maimaqov 4 jyl 2 ai merzimge bas bostandyǵynan aiyryldy», - deidi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov.
Sondai-aq, aýrýhananyń bas esepshisi de jaýapkershilikke tratyldy.
«Bas býhgalter B.T.Narbaeva zańdy uiymdarda materialdyq jaýapty tulǵa laýazymyn atqarý quqyǵynan 5 jylǵa aiyryldy. Sonymen qatar oǵan 7 jyl merzimge bas bostandyǵynan aiyrý jazasy (QR QK 63-babyn eskere otyryp, bas bostandyǵynan aiyrý merzimi shartty bolyp sanalady) taǵaiyndaldy. Olar 25 mln teńgeden astam biýdjet qarajatyn jymqyrý kúdigine ilingen», - dedi ol.
