شىمكەنتتە ٸرٸ كٶلەمدە قارجى جىمقىردى دەگەن كٷدٸككە ٸلٸنگەن وبلىستىق بالالار اۋرۋحاناسىنىڭ باس دەرٸگەرٸ مەن باس ەسەپشٸسٸ سوتتالدى. بۇل تۋرالى AntikorNEWS الاڭىندا قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى قازاقپارات.
«شىمكەنت قالاسى قاراتاۋ اۋداندىق سوتىنىڭ ٷكٸمٸمەن تٷركٸستان وبلىسى دەنساۋلىق ساقتاۋ باسقارماسىنا قاراستى وبلىستىق بالالار اۋرۋحاناسىنىڭ باس دەرٸگەرٸ ا.ا.مايماقوۆ 4 جىل 2 اي مەرزٸمگە باس بوستاندىعىنان ايىرىلدى», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ.
سونداي-اق, اۋرۋحانانىڭ باس ەسەپشٸسٸ دە جاۋاپكەرشٸلٸككە تراتىلدى.
«باس بۋحگالتەر ب.ت.نارباەۆا زاڭدى ۇيىمداردا ماتەريالدىق جاۋاپتى تۇلعا لاۋازىمىن اتقارۋ قۇقىعىنان 5 جىلعا ايىرىلدى. سونىمەن قاتار وعان 7 جىل مەرزٸمگە باس بوستاندىعىنان ايىرۋ جازاسى (قر قك 63-بابىن ەسكەرە وتىرىپ, باس بوستاندىعىنان ايىرۋ مەرزٸمٸ شارتتى بولىپ سانالادى) تاعايىندالدى. ولار 25 ملن تەڭگەدەن استام بيۋدجەت قاراجاتىن جىمقىرۋ كٷدٸگٸنە ٸلٸنگەن», - دەدٸ ول.
