Qazaqstannyń barlyq qalalary arasyndaǵy áýe qatynasy 25 mamyrdan bastap qalpyna keltiriledi, dep habarlaidy "Ult aqparat" QR Indýstriia jáne infraqurylymdyq damý ministrligine silteme jasap.
Jazda áýe tasymalyna suranys kóbeietindikten, áýe kompaniialary qalalar arasyndaǵy reister sanyn densaýlyq saqtaý ministrliginiń sanitarlyq-karantindik sharalaryn eskere otyryp ózderi anyqtaidy.
«25 mamyrdan bastap elimizdiń barlyq áýejaiy ishki turaqty reister úshin ashylyp, ishki áýe naryǵyndaǵy baǵyttardyń jandanýyna yqpal etedi.
Ushaqtar Kóliktegi bas sanitarlyq dáriger belgilegen sanitarlyq qaýipsizdiktiń joǵary sharalaryn saqtai otyryp, iaǵni jeke qorǵanys quraldaryn paidalanýmen, sensor termometrmen dene qyzýyn ólsheý, áleýmettik qashyqtyqty saqtaý arqyly ushady jáne áýejailar men ushaqtarda kúsheitilgen zalalsyzdandyrý jumystary júrgiziledi», delingen habarlamada.
Sondai-aq, 25 mamyrdan bastap Atyraýdan respýblikanyń ózge qalalaryna áýe reisteri qaita ashylady.
"Eir Astana" kompaniiasy Atyraý–Almaty, Atyraý–Nur-Sultan baǵyttary boiynsha aptasyna 7 reis oryndaidy.
SCAT Atyraý–Nur-Sultan baǵytyna aptasyna 5 reis, al 1 maýsymnan bastap 7 reis josparlap otyr. Atyraý – Aqtaý baǵyty boiynsha aptasyna 7 reis, al 1 maýsymnan bastap 14 reis oryndaidy
Eske sala ketsek, 1 mamyrdan bastap Almaty men Nur-Sultan qalalary arasynda (2 qala); 5 mamyrdan Semei, Óskemen, Petropavl, Qyzylorda (4 qala); 11 mamyrdan Aqtóbe, Pavlodar, Taraz, Qaraǵandy, Taldyqorǵan, Kókshetaý, Qostanai (7 qala) áýe reisteri ashylǵan edi.
Aita keterligi, koronavirýs pandemiiasyna bailanysty elimizde memlekettik komissiianyń sheshimimen 97 halyqaralyq baǵyt boiynsha aptasyna 440 reis jáne ishki reisterde 45 baǵyt boiynsha aptasyna 540 turaqty reis toqtatylǵan bolatyn.
