قازاقستاننىڭ بارلىق قالالارى اراسىنداعى ەۋە قاتىناسى 25 مامىردان باستاپ قالپىنا كەلتٸرٸلەدٸ, دەپ حابارلايدى "ۇلت اقپارات" قر يندۋسترييا جەنە ينفراقۇرىلىمدىق دامۋ مينيسترلٸگٸنە سٸلتەمە جاساپ.
جازدا ەۋە تاسىمالىنا سۇرانىس كٶبەيەتٸندٸكتەن, ەۋە كومپانييالارى قالالار اراسىنداعى رەيستەر سانىن دەنساۋلىق ساقتاۋ مينيسترلٸگٸنٸڭ سانيتارلىق-كارانتيندٸك شارالارىن ەسكەرە وتىرىپ ٶزدەرٸ انىقتايدى.
«25 مامىردان باستاپ ەلٸمٸزدٸڭ بارلىق ەۋەجايى ٸشكٸ تۇراقتى رەيستەر ٷشٸن اشىلىپ, ٸشكٸ ەۋە نارىعىنداعى باعىتتاردىڭ جاندانۋىنا ىقپال ەتەدٸ.
ۇشاقتار كٶلٸكتەگٸ باس سانيتارلىق دەرٸگەر بەلگٸلەگەن سانيتارلىق قاۋٸپسٸزدٸكتٸڭ جوعارى شارالارىن ساقتاي وتىرىپ, ياعني جەكە قورعانىس قۇرالدارىن پايدالانۋمەن, سەنسور تەرمومەترمەن دەنە قىزۋىن ٶلشەۋ, ەلەۋمەتتٸك قاشىقتىقتى ساقتاۋ ارقىلى ۇشادى جەنە ەۋەجايلار مەن ۇشاقتاردا كٷشەيتٸلگەن زالالسىزداندىرۋ جۇمىستارى جٷرگٸزٸلەدٸ», دەلٸنگەن حابارلامادا.
سونداي-اق, 25 مامىردان باستاپ اتىراۋدان رەسپۋبليكانىڭ ٶزگە قالالارىنا ەۋە رەيستەرٸ قايتا اشىلادى.
"ەير استانا" كومپانيياسى اتىراۋ–الماتى, اتىراۋ–نۇر-سۇلتان باعىتتارى بويىنشا اپتاسىنا 7 رەيس ورىندايدى.
SCAT اتىراۋ–نۇر-سۇلتان باعىتىنا اپتاسىنا 5 رەيس, ال 1 ماۋسىمنان باستاپ 7 رەيس جوسپارلاپ وتىر. اتىراۋ – اقتاۋ باعىتى بويىنشا اپتاسىنا 7 رەيس, ال 1 ماۋسىمنان باستاپ 14 رەيس ورىندايدى
ەسكە سالا كەتسەك, 1 مامىردان باستاپ الماتى مەن نۇر-سۇلتان قالالارى اراسىندا (2 قالا); 5 مامىردان سەمەي, ٶسكەمەن, پەتروپاۆل, قىزىلوردا (4 قالا); 11 مامىردان اقتٶبە, پاۆلودار, تاراز, قاراعاندى, تالدىقورعان, كٶكشەتاۋ, قوستاناي (7 قالا) ەۋە رەيستەرٸ اشىلعان ەدٸ.
ايتا كەتەرلٸگٸ, كوروناۆيرۋس پاندەميياسىنا بايلانىستى ەلٸمٸزدە مەملەكەتتٸك كوميسسييانىڭ شەشٸمٸمەن 97 حالىقارالىق باعىت بويىنشا اپتاسىنا 440 رەيس جەنە ٸشكٸ رەيستەردە 45 باعىت بويىنشا اپتاسىنا 540 تۇراقتى رەيس توقتاتىلعان بولاتىن.
