Armeniia koronavirýs juqtyrǵandar sanynyń artýyna, onyń el aýmaǵyndaǵy geografiiasynyń keńeiýine bailanysty tótenshe jaǵdai rejimin qatańdatty. Bul týraly Armeniia premer-ministri Nikol Pashinian azamattarǵa úndeýinde aitty, dep habarlaidy QazAqparat.
Premer-ministr Nikol Pashiniannyń málimetinshe, 24 naýryzdaǵy jaǵdai boiynsha Armeniiada 249 adam koronavirýs infektsiiasyn juqtyrǵan. Aýrý juqtyrý geografiiasy keńeiip, Erevandy jáne respýblikadaǵy 7 oblysty qamtyǵan. Osyǵan orai premer-ministr TJ rejimin qatańdatatynyn málim etti.
Onyń aitýynsha, infektsiianyń ári qarai taralýynyń aldyn alý maqsatynda qyzmeti ómirlik mańyzǵa ie emes kásiporyndar óz jumysyn toqtatady. Buǵan qosa, azamattardyń erkin júrip-turýyna, kóshede eki adamnan kóp jinalýǵa shekteý qoiylady. Barlyq meiramhanalar men dámhanalardyń jumysy toqtatylyp, kólik júrgizýshilerine tek bir adamdy alyp júrýge ruqsat etiledi.
Nikol Pashiniannyń atap ótýinshe, azyq-túlik dúkenderi, dárihanalar men bankter óz jumysyn jalǵastyrady. Saǵat 10:00-den bastap 12:00-ge deiin atalǵan mekemeler 65 jastan asqan azamattarǵa ǵana qyzmet kórsetedi.
Sonymen qatar, Armeniia densaýlyq saqtaý ministri Arsen Torosiannyń 24 naýryzdaǵy málimeti boiynsha 14 naýqas tolyq emdelip shyqqan. Juqpaly aýrýlar aýrýhanasynda jatqan eki naýqastyń testi teris nátije kórsetken.
Eske salaiyq, Armeniiada alǵash koronavirýs juqtyrǵan adam 1 naýryzda tirkeldi.
