ارمەنييا كوروناۆيرۋس جۇقتىرعاندار سانىنىڭ ارتۋىنا, ونىڭ ەل اۋماعىنداعى گەوگرافيياسىنىڭ كەڭەيۋٸنە بايلانىستى تٶتەنشە جاعداي رەجيمٸن قاتاڭداتتى. بۇل تۋرالى ارمەنييا پرەمەر-مينيسترٸ نيكول پاشينيان ازاماتتارعا ٷندەۋٸندە ايتتى, دەپ حابارلايدى قازاقپارات.
پرەمەر-مينيستر نيكول پاشينياننىڭ مەلٸمەتٸنشە, 24 ناۋرىزداعى جاعداي بويىنشا ارمەنييادا 249 ادام كوروناۆيرۋس ينفەكتسيياسىن جۇقتىرعان. اۋرۋ جۇقتىرۋ گەوگرافيياسى كەڭەيٸپ, ەرەۆاندى جەنە رەسپۋبليكاداعى 7 وبلىستى قامتىعان. وسىعان وراي پرەمەر-مينيستر تج رەجيمٸن قاتاڭداتاتىنىن مەلٸم ەتتٸ.
ونىڭ ايتۋىنشا, ينفەكتسييانىڭ ەرٸ قاراي تارالۋىنىڭ الدىن الۋ ماقساتىندا قىزمەتٸ ٶمٸرلٸك ماڭىزعا يە ەمەس كەسٸپورىندار ٶز جۇمىسىن توقتاتادى. بۇعان قوسا, ازاماتتاردىڭ ەركٸن جٷرٸپ-تۇرۋىنا, كٶشەدە ەكٸ ادامنان كٶپ جينالۋعا شەكتەۋ قويىلادى. بارلىق مەيرامحانالار مەن دەمحانالاردىڭ جۇمىسى توقتاتىلىپ, كٶلٸك جٷرگٸزۋشٸلەرٸنە تەك بٸر ادامدى الىپ جٷرۋگە رۇقسات ەتٸلەدٸ.
نيكول پاشينياننىڭ اتاپ ٶتۋٸنشە, ازىق-تٷلٸك دٷكەندەرٸ, دەرٸحانالار مەن بانكتەر ٶز جۇمىسىن جالعاستىرادى. ساعات 10:00-دەن باستاپ 12:00-گە دەيٸن اتالعان مەكەمەلەر 65 جاستان اسقان ازاماتتارعا عانا قىزمەت كٶرسەتەدٸ.
سونىمەن قاتار, ارمەنييا دەنساۋلىق ساقتاۋ مينيسترٸ ارسەن توروسياننىڭ 24 ناۋرىزداعى مەلٸمەتٸ بويىنشا 14 ناۋقاس تولىق ەمدەلٸپ شىققان. جۇقپالى اۋرۋلار اۋرۋحاناسىندا جاتقان ەكٸ ناۋقاستىڭ تەستٸ تەرٸس نەتيجە كٶرسەتكەن.
ەسكە سالايىق, ارمەنييادا العاش كوروناۆيرۋس جۇقتىرعان ادام 1 ناۋرىزدا تٸركەلدٸ.
