Almatydaǵy buǵan deiin Qairat Satybaldynyń baqylaýynda bolǵan «Baisat» bazary 24,8 mlrd teńgege satyldy. Nysan 7 tamyzda ótken aýktsionda ERG-diń Qazaqstandaǵy qurylymynyń bas direktory Qudrat Shamievtiń baqylaýyndaǵy kompaniiaǵa ótken, dep habarlaidy ult.kz.
Zanamiviehali arnasynyń málimetinshe, bazar 24 mlrd 772 mln 753 myń 285 teńgege satylǵan. Aýktsion Sauda portalynda ótken.
Nysandy satyp alǵan kompaniia aýktsionǵa deiin nebári tórt ai buryn qurylǵan. Onyń negizgi qyzmeti – holdingtik kompaniialardy basqarý jáne jyljymaityn múlikti jalǵa berý. Kompaniianyń quryltaishysy ári basshysy – ERG bas direktory Qudrat Shamiev.
Shamiev 2026 jylǵy 30 mamyrda Qazaqstandaǵy Eurasian Resources Group qurylymyna kiretin «Eýraziialyq Top» JShS-niń bas direktory bolyp taǵaiyndalǵan. Buǵan deiin ol Integra Construction KZ kompaniiasynyń direktorlar keńesin basqarǵan.
BAQ sońǵy ailarda Shamievtiń baqylaýyndaǵy zańdy tulǵalar sany kúrt artqanyn jazdy. Onyń ishinde taý-ken, metallýrgiia jáne taýar saýdasy baǵytyndaǵy birneshe jańa holding bar.
«Baisat» bazarynyń jańa iesi týraly aqparat Qairat Satybaldynyń burynǵy aktivteriniń keiingi taǵdyryna qatysty pikirtalastar aiasynda jariialanyp otyr.
