Foto: #Nemolchi
Túrkistan oblysynda 3 týǵan baýyr ózderiniń týǵan múgedek jáne damýy baiaý (ZPRR) baýyryn zorlaǵan dep aiyptalyp, úkim shyqqan. Sot protsesin bastapqyda 10 jeltoqsanǵa taǵaiyndaǵan. Biraq protsess toqtap qaldy — sottalǵandardyń advokaty kenetten aýyryp qalǵan. 29 jeltoqsan — apelliatsiialyq sottyń jańa kúni, osydan keiin úkimniń kúshine engeni belgili bolady, dep habarlaidy Ult.kz #Nemolchi qorynyń áleýmettik jelidegi jazbasyna silteme jasap.
8 qazan kúni birinshi instantsiia soty olardy QR Qylmystyq kodeksiniń 121-baby 2-bóligi 1,4 tarmaqtary boiynsha, sondai-aq bir sottalýshyǵa qatysty 188-bap boiynsha kináli dep tanyp, 9 jylǵa bas bostandyǵynan aiyrýǵa jáne 5 mln teńge moraldyq ziian tóletýge úkim shyǵardy. Sot otyrystary jabyq rejimde ótti.
Baýyrlardyń kinásin dáleldeitin qandai materialdar bar?
— Biomaterialdarǵa júrgizilgen genetikalyq saraptama
— Kýágerlerdiń kórsetýleri
— NSD (kriminalistikalyq esepter)
"Aǵaiyndylardy tek saraptamalar olardyń qatystylyǵyn rastalǵannan keiin qana ýaqytsha tergeý izoliatoryna ornalastyrdy. Saraptamalar tek BM Law Group advokattary aýylǵa baryp, iske aralasqan soń taǵaiyndaldy. Advokattar pro bono negizde iske aralasqan, sebebi is #NeMolchiKZ qoǵamdyq bastamasyna kelgen edi.
Biz protsestiń ret-retimen qalai júretinin aityp otyrmyz. Júie kóbinese ózinen álsiz adamǵa qatysty zorlyq isin tergeýde qalai jumys isteitinin bilesiz. Kóp jaǵdaida keibir qyzmetkerler dálel jinaý úshin kúsh salýǵa yntaly bolmaidy. Eger siz bizdiń isterdi qadaǵalap otyrsańyz, osy ókinishti faktini rastaisyz.
Bul is #NeMolchiKZ úshin óte mańyzdy: zardap shekken jas jigittiń otbasyn kemsitip, aiyptaǵan, biraq advokattar men qoǵamdastyq qoldaý kórsetkende is alǵa jyljyp, úkimge jetken.
Qorǵansyz baýyrǵa qorǵan bolýdyń ornyna, olar (sottalýshylar) ony aiaqqa basqan.
29 jeltoqsanda eshkim aýyryp qalmai, bári kelip, sot istiń barlyq jaǵdailaryn ádil qaraýyn tileimiz", - dep jazady #Nemolchi qory.
