24 aqpannan beri Qazaqstannyń aýmaǵyna Resei Federatsiiasynyń 108 057 azamaty kelip, 99 975 reseilik elden shyqqan, dep habarlaidy QazAqparat.
QazAqparat saýalyna joldaǵan jaýabynda QR Ishki ister ministrliginiń baspasóz qyzmeti osyndai málimet usyndy.
«Biylǵy 24 aqpannan 2 sáýirge deiin Resei Federatsiiasynyń 108057 azamaty elge kelip, 99975-i ketti. Sonymen qatar, 2022 jyldyń 3 aiynda RF azamattary úshin - 10158 JSN generatsiialandy», - dep jazylǵan jaýapta.
Quzyrly organnyń aqparatyna qaraǵanda, reseilikter Qazaqstannyń memlekettik shekarasyn kesip ótken sátten bastap ýaqytsha turýǵa ruqsat almai 90 táýlikke deiin bolýǵa quqyly.
«Ishki ister organdary Resei Federatsiiasynyń aýmaǵynda eńbek qyzmetin júzege asyrǵan jáne Otanyna oralǵan Qazaqstan Respýblikasynyń azamattarynyń esebin júrgizbeidi», - dep jazady IIM baspasóz qyzmeti.
