24 اقپاننان بەرٸ قازاقستاننىڭ اۋماعىنا رەسەي فەدەراتسيياسىنىڭ 108 057 ازاماتى كەلٸپ, 99 975 رەسەيلٸك ەلدەن شىققان, دەپ حابارلايدى قازاقپارات.
قازاقپارات ساۋالىنا جولداعان جاۋابىندا قر ٸشكٸ ٸستەر مينيسترلٸگٸنٸڭ باسپاسٶز قىزمەتٸ وسىنداي مەلٸمەت ۇسىندى.
«بيىلعى 24 اقپاننان 2 سەۋٸرگە دەيٸن رەسەي فەدەراتسيياسىنىڭ 108057 ازاماتى ەلگە كەلٸپ, 99975-ٸ كەتتٸ. سونىمەن قاتار, 2022 جىلدىڭ 3 ايىندا رف ازاماتتارى ٷشٸن - 10158 جسن گەنەراتسييالاندى», - دەپ جازىلعان جاۋاپتا.
قۇزىرلى ورگاننىڭ اقپاراتىنا قاراعاندا, رەسەيلٸكتەر قازاقستاننىڭ مەملەكەتتٸك شەكاراسىن كەسٸپ ٶتكەن سەتتەن باستاپ ۋاقىتشا تۇرۋعا رۇقسات الماي 90 تەۋلٸككە دەيٸن بولۋعا قۇقىلى.
«ٸشكٸ ٸستەر ورگاندارى رەسەي فەدەراتسيياسىنىڭ اۋماعىندا ەڭبەك قىزمەتٸن جٷزەگە اسىرعان جەنە وتانىنا ورالعان قازاقستان رەسپۋبليكاسىنىڭ ازاماتتارىنىڭ ەسەبٸن جٷرگٸزبەيدٸ», - دەپ جازادى ٸٸم باسپاسٶز قىزمەتٸ.
