Prokýratýra organdary jaiylym jerlerdi bólý máseleleri boiynsha jergilikti atqarýshy organdardyń qyzmetine tekserý júrgizip jatyr. Bul jaiynda Májilis depýtattarynyń saýalyna QR Bas prokýrory Ǵizat Nurdáýletovtiń jaýabynda aitylǵan, dep habarlaidy "Ult aqparat".
«Qazirgi ýaqytta Prezident tapsyrmasyna sáikes prokýratýra jaiylym jerlerdi bólý máseleleri boiynsha jergilikti atqarýshy organdardyń qyzmetine tekserý júrgizip jatyr. Qazirgi kezeńde prokýrorlar jer zańnamasyn buza otyryp berilgen jalpy aýmaǵy 2,3 mln gektardy quraityn 3,5 myń jaiylym ýchaskesin anyqtady», - delingen Ǵizat Nurdáýletovtiń jaýabynda.
Sonymen qatar ol sońǵy 3 jylda paidalanylmaityn 12 mln gektar jaiylym anyqtalǵandyǵyn atap ótti.
«Sońǵy úsh jyldyń ishinde prokýratýra organdary el aýmaǵynda jalpy aýdany 12 mln gektar 26,5 myń paidalanylmai jatqan jaiylymdy anyqtady. Qabyldanǵan is-sharalardyń arqasynda aýdany 3,6 mln gektar 2,4 myń ýchaske (kadastyrlyq quny 8,8 mlrd teńge) memleketke qaitaryldy.4,6 myń ýchaskeni igerý bastaldy. Bul baǵyttaǵy jumys jalǵasýda», - dedi ol.
