Keshe, 23 qarashada Qazaqstanda koronavirýs juqqany arnaiy testpen rastalǵan 678 adam anyqtaldy. Bir kúnde 840 adam jazyldy.
Densaýlyq saqtaý ministrliginiń aqparaty boiynsha, dúisenbi kúni eń kóp naýqas Shyǵys Qazaqstan oblysynda (154) tirkelgen. Pavlodar (108) men Soltústik Qazaqstan oblystarynda (105) bir kúnde 100-den astam naýqas tabylǵan.
Qostanai oblysynda - 70, Aqmola oblysynda – 68, Almaty qalasynda - 46, Batys Qazaqstan oblysy - 33, Nur-Sultan qalasy - 25, Almaty oblysy - 20, Qaraǵandy oblysy - 15, Jambyl oblysy - 14, Atyraý oblysy - 11, Aqtóbe oblysy - 8, Shymkent qalasy 1 adamnan koronavirýs tabylǵan. Mańǵystaý, Qyzylorda, Túrkistan oblystarynda bir táýlik ishinde naýqas tirkelmegen.
Naýryz aiynan beri koronavirýs juqqany testpen dáleldengender 126 860 adamǵa jetti: 113 myńnan astamy jazylǵan, 1990-y qaitys bolǵan.
Qazaqstannyń koronavirýs statistikasyna koronavirýs pnevmoniiasyna shaldyqqandar esebi engizilmegen. 1 tamyzdan beri 41 203 adamǵa koronavirýs pnevmoniiasy diagnozy qoiylǵan, 427 adam qaitys bolǵan, 30 myńnan astamy jazylǵan.
