كەشە, 23 قاراشادا قازاقستاندا كوروناۆيرۋس جۇققانى ارنايى تەستپەن راستالعان 678 ادام انىقتالدى. بٸر كٷندە 840 ادام جازىلدى.
دەنساۋلىق ساقتاۋ مينيسترلٸگٸنٸڭ اقپاراتى بويىنشا, دٷيسەنبٸ كٷنٸ ەڭ كٶپ ناۋقاس شىعىس قازاقستان وبلىسىندا (154) تٸركەلگەن. پاۆلودار (108) مەن سولتٷستٸك قازاقستان وبلىستارىندا (105) بٸر كٷندە 100-دەن استام ناۋقاس تابىلعان.
قوستاناي وبلىسىندا - 70, اقمولا وبلىسىندا – 68, الماتى قالاسىندا - 46, باتىس قازاقستان وبلىسى - 33, نۇر-سۇلتان قالاسى - 25, الماتى وبلىسى - 20, قاراعاندى وبلىسى - 15, جامبىل وبلىسى - 14, اتىراۋ وبلىسى - 11, اقتٶبە وبلىسى - 8, شىمكەنت قالاسى 1 ادامنان كوروناۆيرۋس تابىلعان. ماڭعىستاۋ, قىزىلوردا, تٷركٸستان وبلىستارىندا بٸر تەۋلٸك ٸشٸندە ناۋقاس تٸركەلمەگەن.
ناۋرىز ايىنان بەرٸ كوروناۆيرۋس جۇققانى تەستپەن دەلەلدەنگەندەر 126 860 ادامعا جەتتٸ: 113 مىڭنان استامى جازىلعان, 1990-ى قايتىس بولعان.
قازاقستاننىڭ كوروناۆيرۋس ستاتيستيكاسىنا كوروناۆيرۋس پنەۆمونيياسىنا شالدىققاندار ەسەبٸ ەنگٸزٸلمەگەن. 1 تامىزدان بەرٸ 41 203 ادامعا كوروناۆيرۋس پنەۆمونيياسى دياگنوزى قويىلعان, 427 ادام قايتىس بولعان, 30 مىڭنان استامى جازىلعان.
